I qëlloi me nga dy plumba në kokë/ Detaje tronditëse, ja si policja i ekzekutoi anëtarët e familjes

plumba

Një ngjarje e rëndë tronditi Gjilanin ditën e djeshme, ku një efektive e policisë ka qëlluar me armë zjarri dy prindërit, vëllezërit dhe më pas veten. Bëhet fjala për Valdete Bllacën, 45 vjeçe, e cila prej 18 vjetësh punonte në polici.

Mediat kosovare shkruajnë se 45-vjeçarja ka qëlluar mbi viktimat me nga 2 plumba në kokë dhe më pas ka qëlluar mbi veten.

Krimi i shumëfishtë është kryer në ambientet e shtëpisë ku banonte familja Bllaca, në lagjen “Bujanina” të Gjilanit.

Deri më tani bëhet me dije se Valdete Bllaca ka hyrë në banesë dhe është futur në dhomën e gjumit të vëllait Fisnikut, duke qëlluar mbi të, teksa ky i fundit po flinte.

Më pas ajo ka shkuar në dhomën e ndenjes dhe ka qëlluar mbi të atin Zeqirin dhe vëllai tjetër Blerimin. Ndërsa më pas ajo ka vrarë nënë e saj Hanifen, e cila ndodhej në një dhomë tjetër.

Pasi qëndroi disa orë mes viktimave të saj, dhe përzuri tezen bashkë me bashkëshortin (të cilët kishin shkuar për një vizitë), Valdetja ka kryer vetëvrasjen në korridorin e shtëpisë së saj.

Dyshohet se Valdete Bllaca ka qenë në gjendje depresioni në momentin që ka kryer krimin makabër, por ende nuk janë bërë të ditura shkaqet se pse 45-vjeçarja ekzekutoi me nga dy plumba në kokë  prindërit e vëllezërit dhe më pas qëlloi mbi veten.

Ndërsa Prokuroria Themelore e Gjilanit përmes një komunikate për media tha dje se rreth orës 13.00 një zyrtare e policisë ka vrarë 4 persona e më pas veten.

“Prokuroria Themelore në Gjilan, Departamenti për Krime të Rënda, ju njofton se sot rreth orës 13, nga një zyrtare policore janë vrarë 4 persona – anëtarë të familjes së saj dhe në fund e njëjta ka kryer vetëvrasje. Sipas informatave të para, dyshohet se në lagjen ‘’Bujanina’’, në Gjilan, e ndjera V.B., zyrtare policore, në kuadër të Stacionit Policor në Gjilan, me armë zjarri ka privuar nga jeta dy prindërit dhe dy vëllezërit e saj, ndërsa, pastaj ka kryer vetëvrasje”, thuhet në komunikatën e prokurorisë.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet