Publikuar më 03.05.2025 nga shekulli_admin

Kryetarja e Kuvendi Elisa Spiropali folisot në lidhje me Reformën në Drejtësi, ku tha se një nga investimet e bëra nga qeveria, ka qenë pikërisht fakti që SPAK të ketë fuqinë të veprojë pa u penguar.

Ajo shtoi se pandëshkueshmëri ka pësuar një zmbrapsje pa kthim, ndërsa nuk la jashtë vëmendjes edhe qasjen e opozitës e kryesisht të PD ndaj organeve të drejtësisë së re.

Kryetarja e Kuvendit u shpreh se ndërkohë që PS mbështet drejtësinë, PD ka në program shkrirjen e Strukturës së Posaçme anti-korrupsion dhe gjuha dhe sulmet ndaj prokurorëve prej tyre është jo normale.

“Ne besojmë tek një drejtësi e pavarur, kemi investuar për këtë, që SPAK të ketë të gjithë fuqinë që i jep ligjit, pandëshkushmëria ka pësuar një zmbrapsje fatale pa kthim. Nëse kundërshtarët tanë për çdo rast kur drejtësia godet nuk lënë epitet pa i vënë prokurorëve e sulm pa i bërë sistemit të drejtësisë, pjesë e programit të tyre është shkrirja e SPAK, ne kemi një qasje tjetër.

Ne e kafshojmë gjuhën, por besojmë që në Shqipëri askush nuk duhet të jetë mbi ligjin, por pa dyshim edhe mbi ligjin”, tha ajo.

Drejtuesja Politike e PS në Qarkun e Tiranës, Elisa Spiropali ka zbuluar sot në “Kjo Javë” me gazetaren Nisida Tufa, në News24, se socialistët po punojnë që më 11 maj të marrin 20 deputetë në këtë qark.

Sa i përket rezultatit në rang kombëtar, Spiropali nuk ka preferuar të përmendë shifra, por se u shpreh e bindur në arritjen e më shumë mandateve se në zgjedhjet e kaluara, ato të 25 prillit 2021.

“Kemi listën më përfaqësuese në Qarkun e Tiranës. Ndërsa lista e PD është një listë jo për fitore, por për menaxhimin e humbjes“, tha ajo.

“E pamundur të bësh parashikime sepse do kishte Brenda edhe një arrogancë të pashmangshme nga siguria për votën. Nuk do të doja të shfaqesha para publikut si një njeri që dëshmon siguri absolute te vota. Por besoj që edhe në sondazhet më skeptike, nuk ka dyshime që PS do të marrë një shumicë edhe më të madhe se në zgjedhjet e kaluara. Objektivi për qarkun e Tiranës, minimalja është 19 mandate, pra një mandat më shumë se në zgjedhjet e fundit, por rezultati real për të cilin po punojmë është 20 mandate”, tha ajo.

Spiropali ka pasur një mesazh edhe për të rinjtë, sidomos ata që votojnë për herë të parë.

“Një mundësi historike që votën e parë ta hedhin për Shqipërinë 2030 në BE. Ishte ëndrra dhe pamundësia jonë, ne nuk I kishim këto mundësi që kanë të rinjtë sot. Prisnim muaj të tërë për një vizë studimi”, tha ajo.

Kryetarja e Kuvendi dhe njëkohësisht drejtuesja politika e PS për Qarkun e Tiranës, Elisa Spiropali ka shprehur keqardhjen në lidhje me atë që i ka ndodhur kreut të Bashkisë së Tiranës Erion Veliaj, i cili ndodhet nënë masën e sigurisë “Arrest me burg”.

Ajo vlerësoi punën e bërë prej tij në transformimin e Tiranës, ndërsa shtoi se është ka një kontribut të spikatur edhe në Partinë Socialiste.

E pyetur në lidhje me faktin që mungesa e tij mund të ketë penalizuar fushatën e PS në qarkun e Tiranës, Spiropali u shpreh se strategjia elektorale e PS është ngritur pikërisht mbi punët e bëra në
Tiranë dhe jo vetëm, punë në të cilat ka kontributin e tij edhe Veliaj.

“Pa diskutim që Erioni është njeri me kontribute të spikatura në PS sidomos në qarkun e Tiranës dhe transformimin e Tiranës. Kush thotë ndryshe nuk është i sinqertë. Uroj shumë që të provojë pafajësinë e tij. Keqardhje e madhe si njeri, kolege dhe njeri që ka punuar me të. Presim që organet e drejtësisë të bëjnë drejtësi, të zbatojnë liritë dhe të drejtat individuale.

Nuk mund të bëjmë llogari dhe parashikime të tilla sepse nuk do të ishte e arsyeshme por po punojmë si ekip dhe mbi punët e bëra ndërtojmë strategjitë elektorale. Ne flasim mbi punët tona, përfshirë Tiranën, dhe punët e mira në Tiranë nuk janë bërë vetë por me mbështetjen e PS dhe Edi Ramës dhe pa dyshim edhe bashkisë”, u shpreh ajo.