Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Një aksident mjaft i rëndë ka ndodhur mbrëmjen e kësaj të marte në Mestre, një provincë e Venezia në Itali. Një autobus me njerëz të shumtë në bord doli nga rruga dhe ra mbi shinat e një hekurudhe aty pranë.
Deri tani TG Com flasin për 21 të vdekur dhe 40 të plagosur. 2 prej viktimave janë fëmijë. Për momentin nuk dihen shumë nga rrethanat dhe shkaqet e aksidentit. Nuk dihet nëse bëhet fjalë për një autobus turistik apo publik.
Shumë ambulanca kanë mbërritur në vendngjarje dhe po vazhdojnë të mbërrijnë. Linja hekurudhore mes Mestres dhe Venecias u bllokua për shkak të aksidentit.
Sipas agjencisë së lajmeve ANSA , autobusi i aksidentuar, i cili përdorte gaz metan, ka marrë flakë menjëherë pas përplasjes. Zjarrfikësit janë ende duke u përpjekur për të shuar zjarrin.
Kryebashkiaku i Venecias Luigi Brugnaro ka thënë për Rai News se autobusi ishte duke transportuar turistë në një kamping dhe në bord kishte shumë të huaj. Ai tregon se kanë gjetur edhe disa dokumente ukrainase.
“Duket se është një autobus i rregullt, por që përdoret për të transportuar turistë në një kamping. Duket se në bord kishte shumë të huaj, duke përfshirë fëmijë. Ne gjetëm disa dokumente ukrainase. Ata po nxjerrin kufomat e fundit Duket se disa u shpëtuan,” tha ai.
Kryebashkiaku i Venecias, Luigi Brugnaro e ka përshkruar si skenë apokaliptike aksidentin tragjik në Itali, ku autobusi ra nga mbikalimi dhe përfundoi mbi binarët eternit dhe të paktën 20 persona kanë humbur jetën.
“Një tragjedi e madhe goditi komunitetin tonë këtë mbrëmje. Unë menjëherë shpalla qytetin në zi, në kujtim të viktimave të shumta që ishin në autobusin e rënë. Një skenë apokaliptike, nuk ka fjalë”, shkroi ai.
Kryeministrja e Italisë, Giorgia Meloni ka shprehur ngushëllimet për jetët e humbur në aksidentin e rëndë ku të paktën deri tani raportohet për 20 persona që kanë humbur jetën.
“Shpreh ngushëllimet e mia më të thella, personale dhe të gjithë qeverisë, për aksidentin e rëndë që ndodhi në Mestre. Mendimet e mia shkojnë për viktimat, familjet dhe miqtë e tyre. Jam në kontakt të ngushtë me kryebashkiakun Luigi Brugnaro dhe me ministri Matteo Piantedosi për ndjekjen e lajmeve mbi këtë tragjedi”. Kështu kryeministrja, Giorgia Meloni.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
