Zyrtare: Tjetër ndeshje miqësore për Shqipërinë në muajin mars

Një ndeshje tjetër miqësore për Kombëtaren tonë. Ishte bërë me dije që do të jetë një përballje e Shqipërisë ndaj Sllovenisë dhe ndeshja do të luhet në datë 30 mars.

Kombëtarja jonë, nuk do të ketë vetëm këtë ndeshje, por do të luhet edhe një tjetër përballë San Marinos. Këtë gjë e ka njoftuar Federata e San Marinos nëpërmjet faqes së saj zyrtare dhe ka lajmëruar se kjo do të jetë një përballje miqësore e cila do të luhet me date 27 mars.

Këto dy ndeshje do t’i shërbejnë trajnerit Reja që të ketë mundësinë të provojë skema dhe lojtarë të rinj. Madje, është edhe mundësia që të punohet më tepër me futbollistët. Testi ndaj San Marinos  do të jetë një mundësi shumë e mire për futbollistët e rinj të cilët do të mund të tregojnë aftësitë e tyre me fanellën kuqezi. Përsa i përket Sllovenisë, do të jetë një ndeshje më  e fortë se ajo përballë San Marinos.

Ndërkohë, gjatë muajit mars, kur Shqipëria do t’i zhvillojë ndeshjet kundër Sllovenisë dhe San Marinos, disa kombëtare të tjera, përfshirë këtu edhe Kosovën, do të tentojnë ta sigurojnë kualifikimin në EURO 2020 përmes play-offs. Shqipëria e ka të sigurt se nuk do të marrë pjesë në këtë Kampionat Evropian, pasi u radhit në vendin e katërt në Grupin H kualifikues, nga ku u rezervua një vend në EURO Franca dhe Turqia.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet