SHKODËR - Policia kufitare në Shkodër ka zbuluar rreth 20 kg bimë narkotike kanabis sativa e fshehur në një mjet, ndërsa po tentonte të kalonte në Malin e Zi. Policia kufitare shqiptare, gjatë kontrollit të detajuar të mjetit Peugeot 307 me targe shqiptare AA 322 EN, në pikën e kalimit kufitar të Muriqanit në Shkodër, ka gjetur 103 pako me rreth 20 kg lëndë narkotike e dyshuar si kanabis sativa.

Mjeti drejtohej nga 27-vjeçari, Ervis Deti, lindur e banues në Durrës dhe rreth orës 23.50 të së enjtes ka dashur të kalojë drejt Malit të Zi përmes pikës së kalimit kufitar të Muriqanit.

Pakot me lënde narkotike u gjetën të fshehura në pjesë të ndryshme të mjetit. Sipas policisë veprimet e mëtejshme procedurale do të kryhen bazuar në dispozitat e Protokollit dhe Marrëveshjes për funksionimin e Pikës së Përbashkët të Kalimit Kufitar Muriqan-Sukobinë.

ANILA  DUSHI