Të dielën do të luhet ndeshja e futbollit Kukësi-Luftëtari, e vlefshme për kategorinë superiore. Kukësi është dënuar me gjashtë javë pa tifozë, por kundër Luftëtarit do të ketë spektatorë, sepse do të bëhet përurimi i stadiumit.  Por prania e tifozëve nuk ka lidhjeve vetëm me këtë fakt. Ndërkohë, e kundërta do të ndodhë për Shkumbinin, i cili do të luajë me dyer të mbyllura, për shkak të dënimit.

Qyteti i Kukësi do të ketë një stadium të ri dhe në ndeshjen përballë Luftëtarit, do të bëhet inaugurimi i tij. Në ceremoninë zyrtare pritet të marrin pjesë personalitet të sportit por edhe të politikës. Madje, të dielën pritet edhe prania e kryeministrit, Sali Berisha.

Ndjekja e një ndeshje futbolli nga Berisha sigurisht që është një ngjarje e rëndësishme pasi ai nuk shquhet për ndonjë tifozllëk ndaj këtij sporti. Por kryeministri shpesh herë ka përdorur ngjarjet sportive për të diskutuar në mbledhje qeveria apo në mbledhjet e grupit të PD-së.