Dy vëllezërit 11 dhe 13 vjeç të cilët ishin deklaruar si të zhdukur nga familjarët e tyre janë gjetur në Burrel.

Ka qene Ramazan Uka, ish-mësues një banor i fshatit Lufaj i cili jeton në qytetin e Burrelit që i ka pikasur në mëngjes tek një lokal të dy fëmijët. Ai i ka marrë fëmijët në shtëpinë e tij dhe ka njoftuar familjen. Ende nuk dihen arsyet e këtij largimi por e rëndësishme është gjetja e tyre.

Zhdukja e vëllezërve 11 dhe 13 vjeç

Mirditë - Dy fëmijë të moshës 11 dhe 13 vjeç nga fshati Trangë-Lufaj, janë zhdukur prej ditës së djeshme. Sipas babait të tyre, Mirash Locit, Renato dhe Serxhi janë zhdukur pa lënë gjurmë teksa po kullosnin bagëtinë në mal. Edhe pse banorët kanë ndihmuar familjet në kërkim për dy fëmijët deri tani nuk ka asnjë shenjë.

Të afërmit dyshojnë se bëhet fjalë për rrëmbim përmes gënjeshtrës me destinacion Kosovën. Ata tregojnë se dy vëllezërit u kanë kërkuar edhe motrës që të largohej me ta drejtë Kosovës. Familjarët besojnë se mund kemi të bëjmë me rrëmbim pasi fëmijët e tyre nuk kishin dal asnjëherë tej fshatit ku jetonin.

Por në këtë ngjarje ka edhe një fakt tjetër. Fëmijët janë larguar me një shumë prej 1 milion lekë. Këto para familja i kishte fituar nga shitja e kecave. Kushdo që merr informacion, mund të njoftojë në këta dy numra të xhaxhait të fëmijëve: 0692037349 dhe 0686464970.

GJ.M.