ShBA - Newsweek shfaqet papritur kundër Barack Obama-s. Në kopertinën e numrit të saj të fundit, që ka dalë sot në treg, 79 ditë para votës presidenciale e përjavshmja e njohur i jep një grusht të fortë Shtëpisë së Bardhë, duke e titulluar: "Braktise fushën Barak: ja pse kemi nevojë për një president të ri". Dhe në sfond një foto e Obama-s me xhaketën mbi shpatulla, sikur është bërë gati të lërë zyrën e tij. Kopertina e Newsweek shihet edhe në sitin www.potus2012.it. Obama "nuk ka mbajtur asnjë nga premtimet e mëdha që bëri 4 vjet më parë", mbështet Niall Ferguson, autor i artikullit, sipas të cilit tani Amerika ka nevojë për një president të ri. Pozicionime jo të reja të këtij analisti, i cili katër vjet më parë ishte konsulenti politik i kundërshtarit të Barack, John McCain.

Kopertina, e bërë publike edhe në Twitter, ka bërë të shpërthejë zemërimi i fansave të presidentit. Në sitin e microblogging, ka që e shprehin zemërimin e tyre me: "Shaka është kjo?!?". Apo: "Ja përse nuk e lexoj më Newsweek". Apo: "Romney-Ryan mund të përmbyllin shkatërrimin e ekonomisë sonë, që nisi që kur ishte George W. Bush".

Ndërkohë, pikërisht për të treguar se megjithë Newsweek administrata Obama ka sjellë në shtëpi reforma të rëndësishme, mirëqenie reale, duke përmirësuar jetën e përditshme, si nga pikëpamja ekonomike, ashtu dhe tek të drejtat.

ANSA/M.Alla