SOFJE - Ministri i Jashtëm i Bullgarisë, Nikolai Mladenov, ka shprehur ngushëllimet e tij për vdekjen e liderit shqiptar Arbën Xhaferri, duke shtuar se ai kurrë nuk do të harrojë idetë përparimtare dhe vizionin pozitiv për të ardhmen që kishte ky njeri. “Ai ka punuar në mënyrë konstruktive për të ardhmen e Maqedonisë si demokraci funksionale”, shkruan Mladenov në një letër drejtuar Partisë Demokratike Shqiptare. “Si trashëgimi z. Xhaferri la shembullin e një udhëheqjeje politike dhe mbrojtjes së të drejtave të njeriut, pavarësisht përkatësisë së tyre etnike dhe fetare. Vdekja e tij është për Bullgarinë humbje e një miku të mirë dhe të respektuar”, përfundoi ministri bullgar, transmeton Shqipmedia.