Presidenti i Iranit, Mahmud Ahmedinexhad, shprehet se përballja me Izraelin është një përpjekje për të “mbrojtur dinjitetin e të gjithë qenieve njerëzore”. Kjo pasi sipas tij ekzistenca e Izraelit është “fyerje për të gjithë njerëzimin”.

Izraeli e konsideron Iranin si kërcënim ekzistencial për shkak të programit nuklear. Irani vetë ka mohon të jetë duke ndërtuar armë nukleare duke thënë se ajo janë paqësore.

Së fundi Izraeli është përfshirë në një debat publik se kur duhet të sulmojë impiantet nukleare të Iranit, ky i fundit ka bërë të ditur se do të kundërpërgjigjet.

“Izraeli është i korruptuar, një organizatë minoritare anti-humane që qëndron kundër çdo vlerë hyjnore”, është shprehur Ahmedinexhad duke iu referuar këtij vendi si "regjimi Zionist" pasi nuk e njeh atë si shtet të pavarur.

Këtë të premte në Iran është mbajtur një protestë ku të pranishmit kanë thirrur “Vdekje e Amerikës, vdekje e Izraelit”. Ahmedinexhat duke u shprehur se në të ardhmen e Lindjes së Mesme nuk ka vend për Izraelin ka shtuar se Holokausti ku mbetën të vrarë 6 milionë hebrenj është një mit, raporton Reuters.

“Në Lindjen e Mesme të re nuk do të ketë gjurmë të prezencës amerikane dhe Zioniste”, tha presidenti i Iranit. “Ruajta e ekzistencës së regjimit Zionist është një përpjekje e përbashkët e qeverive arrogante perëndimore”.

Irani dhe Izraeli janë armiq prej dekadash. Tensionet mes tyre janë rritur që prej vitit 2005, kur Ahmedinexhad deklaroi se një ditë “do të fshihet nga harta”. Izraeli mendohet se është i vetmi vendi i Lindjes së Mesme që ka armë nukleare.

F.Stafa