Leonard Veizi

I njohur me personazhin fantastik të Korrado Katanit, aktori i njohur italian Michele Placido i ka thënë fund beqarisë duke u kurorëzuar pas dhjetë vjetësh bashkëjetesë, në martesë me 29-vjeçaren Federica Vincenti. Në një dasmë fantastike si ajo ku nuk mungonin me shumicë lulet orkide dhe portokalli. Të pranishëm në ceremoni ishin rreth dyqind mysafirë pasditen e vonë të së martës në famullinë e Shën Nikollës në Cisternino, simbolit të Brindisit. Mes tyre personazhet e njohur si Mara Venier, Christian De Sica, Riçardo Scamarcio dhe Pier Ferdinando Casini, përveç fëmijëve të Placido. Dhëndri 66-vjeçar ishte veshur me një kostum të stiluar nga Roberto Cavalli ndërsa nusja me një fustan bërë posaçërisht për të nga Gianni Calignano. Fustan i bardhë dhe i gjatë, me inde organze dhe mëndafshi, me supet zhveshur. Michele me Federikën kanë një djalë, Gabriel, i cili tani është gjashtë vjet. Kjo është martesa e tretë për aktorin e njohur italian.