Kryetari i Partisë Demokratike Sali Berisha ka mbledhur sot në  një takim të gjithë kryetarët e degëve të Partisë Demokratike dhe  ato të Grup Seksioneve, ku pritet  të diskutohet për zgjedhjet e 23 qershorit.

Shefi i selisë blu pritet  të japë porositë për drejtuesit e bazës së Partisë Demokratike  për mënyrën e organizimit të zgjedhjeve dhe alternativat që do t’u paraqiten shqiptarëve për një mandat të tretë qeverisës të forcës më të madhe në pushtet.

Edhe më herët kryeministri Berisha u ka kërkuar drejtuesve të Partisë Demokratike që ta fokusojnë fushatën në çdo derë për t’u njohur nga afër me problematikat e qytetarëve në mënyrë që të bëhen pjesë e programit të PD-së për mandatin 4-vjeçar.

Pak ditë më parë kreu i PD-së ka thirrur kryesinë e Partisë Demokratike ku shpalosi edhe sloganin e fushatës elektorale për zgjedhjet e 23 qershorit , “Ne jemi ndryshimi. Përpara”.

/Shekullli Online/E.L/