Ministri i Mbrojtjes, Arben Imami, në analizën vjetore të institucionit që ai drejton shprehet se viti që kemi lënë pas ka qenë i suksesshëm porsa i përket arritjeve të ministrisë që ai drejton. 

Sipas Imami, viti 2012 ishte përcaktues në implementimin e reformave. Ai veçoi arritjen e objektivit për standardizimin e ushtrisë shqiptare, që siç tha ai, u nis në vitin 2010 dhe u përfundua gjatë 2012-ës. 

Në një konferencë për mediat, Imami u shpreh se “gjatë vitit 2012 u bë implementimi 100 për qind i strukturave të Forcave të Armatosura”.

Ai u shpreh se misionet ndërkombëtare të FA-së janë në nivelet e kërkuara dhe brenda standardeve të NATO-s.  Imami shtoi se reformat në ushtrinë shqiptare kanë bërë që strukturat e saj të janë sipas standardeve të vendeve që janë pjesë e Aleancës së Atlantikut Verior

Ministri i Mbrojtjes nënvizohet edhe përmbushjen e parashikimeve në drejtim të demontimit të municioneve, si dhe suksesi i emergjencave civile në realizimin e operacioneve gjatë vitit të kaluar. 

Ndër të tjera, ministri Imami nënvizoi se strategjitë përkatëse për vitin 2013 janë hartuar dhe janë gati.