Vrasja në Itali/ Burri që vrau gruan u pushua nga puna pasi ngacmoi seksualisht kolegen

Mediat italiane publikojnë të tjera detaje në lidhje me ngjarjen e rëndë të ndodhur dje, ku një burrë vrau bashkëshorten e tij me thikë, ndërsa në ndërtesë ndodhej edhe djali i tyre 8-vjeçar.

Nga dëshmitë e komshinjve mësohet se dy bashkëshortët kishin vendosur të ndaheshin, e ndërsa ndarja duket se ishte konsensuale, ditën e djeshme ndodhi ngjarja makabër.

Gjithashtu zbulohet  shkaku i largimit nga puna të shqiptarit Dritan Sulollari. Sipas mediave italiane 37-vjeçari, Dritan Sulollari ishte pushuar nga puna pesë muaj më parë në restorantin ku punonte, pasi ai ishte akuzuar për ngacmim seksual.

Pronari e kishte pushuar, pasi Dritani ishte akuzuar se kishte ngacmuar seksualisht një kolege. “Dritani kishte ngacmuar një kolege dhe rasti u bë i njohur pasi vetë kolegia kishte bërë denoncimin”- shkruajnë mediat italiane.

Ngjarja

Një ngjarje e rëndë ka ndodhur në Itali ku një shqiptar ka vrarë bashkëshorten e tij. Mediat italiane kanë zbuluar emrat e dy bashkëshortëve, të cilët janë Dritan Sulollari dhe Migena Kellezi.

Migena, ndodhej në Itali prej disa vitesh, ajo i ishte bashkuar bashkëshortit të saj Dritanit, i cili punonte si kamerier në një piceri, megjithëse muajt e fundit ai ishte pa punë.
Sipas dëshmive të fqinjëve, familja shqiptare u përshkrua si një familje e qetë dhe askush nuk e kishte dëgjuar më parë çiftin të grindeshin, deri sot.

E gjithë ngjarja ka ndodhur në sytë e fëmijët 8 vjeç të çiftit. Autor i këtij krimi të rëndë është një emigrant shqiptar 37-vjeç, ndërsa viktima është 30 vjeçe. Ndërkohë fëmija është marrë nga shërbimet sociale pas gjendjes së tij të rënduar.

Të tjera

Tërmeti në Bavari

Rosalia Romaniec Partia Kristiansociale, CSU pësoi goditje të fortë në zgjedhjet e landit bavarez. Përgjegjësinë kryesore për këtë e ka…

Abissnet