Vendimi i çuditshëm i qeverisë franceze, ndalon telefonat në shkollë

Publikuar më 13. 12. 2017 nga Dava Boci

Franca ndalon përdorimin e telefonave në shkollë. Nxënësit tashmë janë ndaluar të përdorin telefonat e tyre në klasë, por kufizimet e reja gjithashtu do t’i pengojnë që t’i marrin ato në pushim, drekë dhe mes mësimeve.

Ministri i Arsimit në Francë, Jean-Michel Blanquer, tha se masa e cila u diskutua në manifeston zgjedhore të Presidentit Emmanuel Macron do të nxiste fëmijët të luajnë jashtë gjatë pushimeve dhe në mesditë, dhe gjithashtu mund të ndihmojnë në luftimin e sulmit kibernetik.
“Këto ditë fëmijët nuk luajnë më në kohën e pushimit, ata janë vetëm në telefonat e tyre dhe nga pikëpamja arsimore kjo është një problem”, citohet të ketë thënë z. Blanquer.
“Është e rëndësishme që fëmijët nën moshën shtatë vjeç nuk janë para këtyre ekraneve”.
Blanquer, i cili e përshkroi vendimin e qeverisë si një çështje e “shëndetit publik” e pranoi se praktikat e ndalimit nuk ishin përpunuar, por sugjeroi që shkollat të mund të siguronin dollapët për fëmijët për t’i mbajtur ato gjatë ditës.
“Ne jemi duke punuar në këtë dhe mund të funksionojë në mënyra të ndryshme,” vazhdoi ai.
“Telefonat mund të jenë të nevojshëm për qëllime të mësimdhënies ose në rastet e emergjencës, kështu që telefonat mobil do të duhet të mbyllen”.