Ushtria amerikane publikon videon e operacionit ndaj al-Baghdadit

Tre ditë pasi Presidenti amerikan Donald Trump u ngjit në podiumin e Shtëpisë së Bardhë për t’i thënë botës se më në fund kishte vdekur udhëheqësi i Shtetit Islamik, Abu Bakr al-Baghdadi, zyrtarët ushtarakë i mundësuan publikut një kundrim të operacionit që u zhvillua në terren.

Pesë video bardhë e zi të marra nga dronët, tregojnë se si helikopterët asgjësojnë një grup personash që qëllonin ndaj forcave speciale amerikane, të cilat po afroheshin në rrugë ajrore. Sapo prekën në tokë, forcat amerikane u bënë thirrje të dorëzoheshin personave brenda godinës.

Në përfundim të aksionit, videoja tregon avionët amerikanë që nëpërmjet predhave të precizionit të lartë e shndërrojnë zonën në rrënoja.

Megjithatë, në pamjet e publikuara nuk tregohen momentet e fundit të udhëheqësit terrorist./VOA

Leave a Reply

Your email address will not be published. Required fields are marked *

Të tjera

Abissnet