Udhëzimi i plotë nga MSH/ Oraret e lëvizjes për makinat e këmbësorët, aktivitetet që do të lejohen

Ministria e Shëndetësisë ka publikuar udhëzimin e plotë për këtë fundjavë ku ka shpjeguar në lidhje me lëvizjen e njerëzve dhe mjeteve dhe për aktivitetet që do të lejohen e cilët jo gjatë  këtyre dy ditëve.

MSH ka firmosur urdhërin në të cilin bën me dije se edhe kjo fundjavë do të jetë e mbyllur në për pjesën më të madhe të aktiviteteve ekonomike, ku do të lejohen vetëm dyqanet ushqimore që janë me pakicë dhe farmacitë, gjatë ditës së shtunë, deri në orën 21:00, ndërsa e diela do të jetë totalisht e mbyllur e nuk do të lejohet asnjë lëvizje.

Sakaq, lidhur me lëvizjen, e së shtunës dhe së dielës, do ketë lëvizje në orare të caktuara për këmbësorët pensionistë dhe prindër me fëmijë.

Urdhri i Ministrisë së Shëndetësisë:

Sipas urdhrit të Ministrisë së Shëndetësisë, fundjava do të jetë e kufizuar. Nuk do të lejohen aktivitetet e biznesit, përveç farmacive dhe pikave të shitjes së produkteve ushqimore me pakicë, të cilat lejohen të ushtrojnë aktivitetin e tyre ditën e shtunë, datë 23 Maj 2020 deri në orën 21:00. Ndërsa ditën e dielë te gjitha aktivitetet do të jenë të mbyllura.

Nuk do të lejohet lëvizja e makinave, ndërsa sa i takon lëvizjes së këmbësorëve, lejohet lëvizja e pensionistëve, ditën e shtunë dhe ditën e diel, datë 23 dhe 24 maj 2020 deri në orën 10:00, të shoqëruar me jo më shumë së një person në krah.

Lejohet gjithashtu lëvizja e prindërve me fëmijëve deri në moshën 14 vjeç, ditën e shtunë dhe ditën e dielë, datë 23 dhe 24 maj 2020, pas orës 11, të pashoqëruar me persona të tjerë në krah.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet