Tragjike/ Katër shqiptarë vdesin në Gjermani, punonin në ndërtim

Një ngjarje e rëndë raportohet të ketë ndodhur në Frankfurt të Gjermanisë. Katër djem të rinj shqiptarë rreth 23-24 vjeç kanë humbur jetën teksa kanë qenë duke punuar në një ndërtesë.

Një i afërm i tyre ka bërë të ditur këtë lajm për mediat, ndërsa ka treguar se çfarë ka ndodhur.

Familjari i Olsit (njëri prej djemve), ka treguar për JOQ ngjarjen e dhimbshme sesi është nisur ai nga Durrësi drejt Gjermanisë për punë.

Ai kërkon ndihmën e të gjithë shqiptarëve në Gjermani për të ditur më shumë informacione lidhur me ngjarjen, pasi pronari për të cilin punonin të rinjtë shqiptarë ishte italianë dhe e ka mbajtur ngjarjen të fshehtë për të mos dëmtuar imazhin e tij.

Të tjerë familjarë kanë shkuar në Gjermani për të kërkuar trupat e të rinjve të cilët kanë humbur jetën në mënyrë tragjike. Gjatë kohës që kanë qenë duke punuar, vinçi u ka rënë spër duke u marrë jetën.

Për Olsin ka qenë dita e parë dhe e fundit e punës në Gjermani.

Mesazhi i familjarit të Olsit në JOQ:

Përshëndetje JOQ! Dje në Gjermani, në Frankfurt kanë humbur jetën disa shqiptarë. Ata punon në ndërtim dhe ndërtesa ku punon është shembur.

Janë djem të rinj, por ju lutem nëse mund të merrni ndonjë informacion më shumë. Ndër to ishte një i njohuri ynë 24 vjeç dhe dimë që ka humbur jetën, por për të tjerët nuk dimë asgjë. Për të afërmin tonë, ai është pa letra dhe punonin në ndërtim atje.

Njëherë na thanë që janë katër shqiptarë që kanë humbur jetën. Së bashku me të afërmin tim ka qenë edhe një djalë tjetër. Të dy nga Durrësi dhe të dy kanë humbur jetën. I afërmi im Olsi, pardje kishte filluar punë aty, pasi ja kishte kërkuar shoku i tij. Dmth dita e parë dhe e fundit për të.

Mesa më thanë është rrëzuar vinçi në atë ndërtesë dhe muri është shembur duke ju rënë punëtorëve sipër. Pronari ishte italian dhe ai jua ka marrë pasaportat të lënduarve që të mos i dëmtohet imazhi i tij dhe nuk ka treguar asgjë.

Kanë ikur 10 familjarë tanët në Gjermani për të kërkuar trupat e të rinjve dhe kanë kërkuar në 3-4 morgje atje dhe tani vonë na thanë që i gjetën. Kjo është e tmerrshme. Ata ishin të rinj 23-24 vjeç.

Leave a Reply

Your email address will not be published. Required fields are marked *

Të tjera

Abissnet