“Tërmet” në Prokurori, Arta Marku kalon në sitë të gjithë prokurorët

Publikuar më 11. 01. 2018 nga Xhentila Gjoshi

Pas lëvizjeve të disa drejtuesve të prokurorive, prokurorja e Përgjithshme e Përkohshme Arta Marku ka ndërmarrë një tjetër vendim për organin e akuzës në vend. Marku ka urdhëruar ngritjen e një grupi pune për procedimet disiplinore të prokurorëve.
Me ndryshimet e reja ligjore, kryeprokurores i jepet e drejta për procedime disiplinore të prokurorëve, për shkelje në punën e tyre.
Grupi i punës po bën gati draftin dhe do fillojë inspektimin nga Prokuroria e përgjithshme dhe më gjerë
Po ashtu, ai do të bëjë verifikimet e shkeljeve në punën e prokurorëve, duke inspektuar kështu punën në të gjitha prokuroritë. Pas verifikimit mund të nisë edhe procedimi disiplinor për shkeljet e prokurorëve.