×

Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”

Tenderi i Veliajt, 7 mln dollarë për 600 metra rrugë

Bashkia e Tiranës hap tenderin e dytë për riparimin e Bulevardit Zogu i Parë. Projekti me kosto të fryrë synon të gjejë kompaninë që do të rehabilitojë rrugën për 1 vit e gjysmë

Neritan Gjergo

Bulevardi “Zogu i Parë” i cili fillon nga Sheshi Skënderbej deri tek ish-Stacioni i Trenit do t’i nënshtrohet së shpejti rehabilitimit. Bashkia e Tiranës ka hapur zyrtarisht procedurat e tenderimit për zbatimin e këtij projekti, por ajo që bie në sy është fondi i vënë në dispozicion, 708 milionë lekë. Bëhet fjalë për 600 metra rrugë, në të cilën parashikohet riparimi apo rehabilitimi i saj. Pra, projekti i kërkuar nga Erion Veliaj, parashikon ndërhyrje për përmirësimin e shtresave rrugore, trotuareve, rrjetin e kanalizimeve të ujërave të shiut, ndriçimin rrugor e gjelbërimin dhe me një llogaritje të thjeshtë, del se kosto e rrugës për 1 km mbërrin në 12 milionë dollarë. Pra, për një rrugë, e cila ndryshe nga Unaza e Re nuk ka as vepra arti, dhe as tunele e mbikalime, shuma duket të jetë marramendëse.

Projekti

Operatorët ekonomikë të interesuar do të mund të dorëzojnë kërkesat për pjesëmarrje brenda datës 11 prill, ndërkohë që kohëzgjatja e kontratës është përcaktuar 18 muaj kalendarikë nga firmosja e saj. Nga detajet e investimit, grafiku i punimeve përfshin një sërë ndërhyrjesh në të gjithë gjatësinë e bulevardit. Më konkretisht, do të bëhet rivendosja e shtresave rrugore, si dhe vendosja e pesetave në të gjitha pikat e nevojshme. Projekti përfshin edhe riparimin dhe zgjatimin e pjesës së sipërme të shkallëve duke krijuar një hyrje më të përshtatshme për Maternitetin “Mbretëresha Geraldinë”. Po ashtu, do të bëhet edhe kanalizimi i ujërave të bardha me standardet bashkëkohore. Gjelbërimi njëkohësisht do t’i kushtohet një rëndësi e madhe, ku propozohet çrrënjosja e pemëve ekzistuese dhe mbjellja e pemëve të reja, që do të jenë kryesisht pjesë e florës vendase të Shqipërisë. Po ashtu, parashikohet vendosja dhe instalimi i rrjetit elektrik përgjatë gjithë bulevardit me ndriçues të llojeve të ndryshëm. Në zona të ndryshme të këtij të fundit do të përdoren edhe stola të njëjtë me ato që janë vendosur në Sheshin “Skënderbej.” Ndërkohë, projekti parashikon edhe rregullimin e të gjitha fasadave përgjatë bulevardit si dhe krijimin e katër shesheve të reja si dhe një shatërvan. Ndërsa, është propozuar edhe krijimi i një hapësire të posaçme edhe për biçikletat. Më herët, kryebashkiaku Erion Veliaj është shprehur se ky bulevard do të kthehet në një rrugë shopping-u, e ngjashme me Pazarin e Ri. Kujtojmë se në këtë bulevard 2 vite më parë janë bërë ndërhyrje, në mesin e tij përmes shtrimit të korsisë së biçikletave, por ky investim tashmë po rezulton pa leverdi, pasi paratë e taksapaguesve të Tiranës duhet të hidhen edhe njëherë nga e para për ambicien e kryetarit të Bashkisë. Por ky nuk është projekti i vetëm në planet e bashkisë, që vjel kaq shumë pará. Një tjetër projekt për rehabilitimin e fasadës së një pallati në kryqëzimin e rrugës së Dibrës me Unazën e Vogël, do të kushtojnë plot 32 milionë lekë. “Ky objekt ndodhet në kryqëzimin e Unazës së Vogël me rrugën e Dibrës në qendër të Tiranës dhe ka si qëllim harmonizimin e tij me mjedisin përreth. Fasada e këtij objekti është e amortizuar dhe në pjesë të veçanta e dëmtuar. Projekti parashikon unifikimin e fasadës me ndërhyrje në riparimin dhe lyerjeve e fasadës. Kjo ndërhyrje do të kryhet duke ruajtur arkitekturën ekzistuese të objektit”, shkruhet në përshkrimin e investimit. Pra, vetëm boja e pallatit do të kushtojë 32 milionë lekë. Kujtojmë se vetëm 3 javë më parë një tender për fasadat dhe rregullimin e hapësirave të vogla në kryeqytet,  kushtoi plot 52 milionë lekë. Bashkia e Tiranës ka shpallur tenderin në fund të dhjetorit, ndërsa shpalli në mes të shkurtit fituesin. Bëhet fjalë për kompaninë Aurora Konstruktion, e cila ka fituar garën përballë dy operatorëve të tjerë, të cilët janë skualifikuar për shkak të mosplotësimit të disa kritereve teknike, ndërsa shpallja e fituesit shënjohet me redflag (flamur të kuq). Skualifikimi nga gara i  konkurrentëve, në praktikën e prokurimeve konsiderohet një ngjarje ose rrethanë që  tregon një shqetësim apo ekspozim mbi rrezik potencial të pajtueshmërisë ligjore për sjellje të paligjshme ose joetike të biznesit, veçanërisht në lidhje me praktika korruptive dhe mosrespektimit të ligjeve anti-korrupsion. Më tej, bashkia synon të investojë edhe për rikonceptimin e parkut Rinia (parqe, shkallare, sheshe pushimi etj) dhe për rikonceptimin e kopshtit zoologjik pranë liqenit artificial në një sipërfaqe 5 hektarë. Shpenzimi për të dy projektet së bashku do të jetë mbi 900 milionë lekë (8.2 milionë dollarë). Në kopshtin zoologjik, bashkia do të investojë 750 milionë lekë dhe ndërhyrja konsiston në rikonceptimin e tij, për ta bërë sa më atraktiv për të gjitha grupmoshat. “Punimet që parashikohet të kryhen janë ndërhyrje rehabilituese në godinat ku janë të vendosura kafshët për t’i kthyer në ambiente të përshtatshme sipas normave dhe standardeve që kërkon një kopsht zoologjik, ndërhyrje për pastrimin e mini-liqeneve dhe rikompozim i tyre, punime në sipërfaqet e gjelbra duke i kompletuar me të gjithë elementet e nevojshëm të mobilimit urban, si stola, kosha; punime për rrjetin e ndriçimit, etj”, shkruhet në relacion.

Shpenzimet

Për vitin 2019, Bashkia e Tiranës planifikon të shpenzojë 18.3 miliardë lekë, ku peshën më të madhe e zënë shpenzimet operative dhe ato te personelit me 62 për qind. Sipas projektbuxhetit 2019-2021, shpenzimet e përgjithshme të Bashkisë për periudhën 3-vjeçare, për të gjitha funksionet parashikohen respektivisht në masën 18,3 miliardë lekë, 17,2 miliardë lekë dhe 16,4 miliardë lekë, me rënie nga viti në vit.  Në parashikimet e tre viteve buxhetore është përfshirë edhe fondi që planifikohet të mbartet nga vitet paraardhëse. Konkretisht,  sa i përket vitit 2019,  shpenzimet kapitale apo ato që shkojnë për investime, zënë rreth 7 miliardë lekë. Ndërsa pjesa tjetër prej 11.3 miliardë lekësh do të shkojë për pagat e personelit dhe shpenzimet e tjera operative. Raporti mes shpenzimeve korente dhe atyre kapitale është respektivisht 62% me 38% për vitin e ardhshëm, ndërsa në periudhë afatmesme parashikohet një rritje e lehtë investimesh në vitin 2020 me 7.1 miliardë lekë dhe më pas rënie në vitin 2021, në 5.9 miliardë lekë.

Habia me OST, 100 mln euro për një procedurë

Drejtori i shkarkuar i Operatorit të  Sistemit të Transmetimit të Energjisë, Klodian Gradeci ka bërë një kërkesë absurde që bie ndesh me të gjitha rregulloret dhe ligjet për prokurimet publike apo koncesionet në vend. Përmes një shkrese drejtuar Ministrisë së Financave, asaj të Energjisë dhe Entit Rregullator të Energjisë, OST-ja ka kërkuar “dritën jeshile” për të kontraktuar një kompani private, e cila do të bëjë ndërhyrjet në të gjithë rrjetin vendas të transmetimit me paratë e veta, e më pas do të shlyhet për 15 vite. Aprovimi i kësaj shkresë ka vlerën e 100 milionë eurove, ndërsa në të procedura konsiderohet e veçantë, për realizimin e një investimi me kredi të garantuar nga kompania private që do të kontraktohet. Procesi ka nisur zyrtarisht në datën 28 dhjetor të vitit të kaluar, nga drejtori i OST-së, Klodian Gradeci, i shkarkuar pas skandalit me kompaninë “DH Albania”, e cila fitoi nga ky institucion një tender me vlerë 11 milionë euro për ndërtimin e linjës 220 kilovolt Burrel-Peshkopi dhe traktin dalës të nënstacionit të Burrelit, një nga tenderët më të mëdhenj të zhvilluar nga OST gjatë vitit të kaluar.  Por, për procedurën në fjalë e cila kushton 10-fish më tepër,  OST-ja thotë se ky nuk është as tender, e as koncesion. “Procedura, e cila kërkohet të ndiqet nuk është PPP, por do të realizohet nëpërmjet marrjes së një huaje tregtare (pa garanci sovrane) nga të tretë, hua e cila do të sigurohet nga kompania, e cila do të fitojë edhe realizimin e këtij investimi”, thuhet në shkresën e OST-së. Pra, privati do të marrë 100 milionë euro hua në bankë me interesa tregtare, do të bëjë po vetë punimet, e në fund shteti shqiptar do të shlyejë faturën. Por çfarë qëndron pas projektit? Mësohet se bëhet fjalë për një kompani kineze, e cila vjet ka pasur kontakte të vazhdueshme me OST-në, e madje edhe me Ministrinë e Energjisë. Madje është kjo kompani që ka bërë studimin e rrjetit, duke përcaktuar pikat se ku duhet ndërhyrë dhe faturën e investimeve. Aktualisht, projekti është në Ministrinë e Energjisë dhe asaj të Financave, por deri më tani nuk ka marrë ende aprovimin. Mbetet e paqartë nëse Ministria e Energjisë do të vazhdojë me procedurën kontroverse, e cila ngjan me një koncesion të ri, këtë herë 100 milionë euro.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/

Leave a Reply

Your email address will not be published. Required fields are marked *

Rindërtimi/ Firmoset marrëveshja me Fondacionin Firdeus, do ndërtohen 168 banesa

Rindërtimi/ Firmoset marrëveshja me Fondacionin Firdeus, do ndërtohen 168 banesa

Publikuar më 12.08.2020
Ministri i Rindërtimit, Arben Ahmetaj në një postim në rrjet...

Ministri i Rindërtimit, Arben Ahmetaj në një postim në rrjetin e tij social në Facebook, shkruan se janë 9 milionë e 50 mijë euro donacione nga “Shqiptarët për shqiptarët”.  Ndër të tjera ai thekson se qeveria ka shtuar 5.7 milionë dollarë për rindërtimin e infrastrukturës në Thumanë. “Nënshkrimi i Marrëveshjes me Fondacionin Firdeus, një tjetër […]

Lexo më shumë

Shtesë/ Miratohen 5,191 paga lufte për muajin qershor, ja përfituesit

Shtesë/ Miratohen 5,191 paga lufte për muajin qershor, ja përfituesit

Publikuar më 12.08.2020
Janë miratuar 5,191 paga shtesë për punonjësit  e Transporti...

Janë miratuar 5,191 paga shtesë për punonjësit  e Transportit Rrugor të Udhëtarëve, nisur nga fakti që ky sektor ka qenë më i prekuri nga COVID-i. Këtë lajm e ka bërë të ditur vetë kryeministri Rama i cili deklaroi se qeveria ka miratuar këtë shtesë ndaj atyre që janë larguar nga puna në sektorin e transportit […]

Lexo më shumë

Paga e luftës/ Drejtoria e Tatimeve jep njoftimin e rëndësishëm për qytetarët

Paga e luftës/ Drejtoria e Tatimeve jep njoftimin e rëndësishëm për qytetarët

Publikuar më 11.08.2020
Drejtoria e Tatimeve ka njoftuar se të gjithë individët që n...

Drejtoria e Tatimeve ka njoftuar se të gjithë individët që nuk e kanë marrë ende pagën e luftës, si dhe kompanitë që nuk kanë përfituar prej saj pavarësisht se përmbushin kushtet kanë kohë deri në datë 25 gusht për paraqitjen e ankesës. “Ftojmë të gjithë tatimpaguesit, tё kontrollojnë llogarinë e tyre në e-filling, për të […]

Lexo më shumë

Kursi i këmbimit valutor, euro ka shënuar rritje gjatë ditës së sotme

Kursi i këmbimit valutor, euro ka shënuar rritje gjatë ditës së sotme

Publikuar më 10.08.2020
Monedha e përbashkët ka shënuar rritje gjatë ditës së sotme....

Monedha e përbashkët ka shënuar rritje gjatë ditës së sotme. Sipas kursit zyrtar të Bankës së Shqipërisë, një euro u këmbye sot me 123.65 lekë, me një rritje prej 0.03 lekë në krahasim me ditën e mëparshme.

Lexo më shumë

COVID-19 godet edhe konsumin, inflacioni i korrikut 1.4%

COVID-19 godet edhe konsumin, inflacioni i korrikut 1.4%

Publikuar më 10.08.2020
Sipas të dhënave të INSTAT, Niveli i Përgjithshëm i Çmimeve ...

Sipas të dhënave të INSTAT, Niveli i Përgjithshëm i Çmimeve u rrit me vetëm 1.4% në muajin korrik i ndikuar kryesisht nga rritja e çmimeve të ushqimeve dhe pajisjeve të shtëpisë. Krahasuar me muajin Korrik 2019, rritja më e madhe e çmimeve vërehet në grupin “Ushqime dhe pije joalkoolike” me 3,1 %, pasuar nga grupet […]

Lexo më shumë

Ndihmat për tërmetin, fatura 500 mln euro po financohet nga buxheti

Ndihmat për tërmetin, fatura 500 mln euro po financohet nga buxheti

Publikuar më 06.08.2020
Më 17 shkurt të vitit 2020, në Konferencën e Donatorëve, e c...

Më 17 shkurt të vitit 2020, në Konferencën e Donatorëve, e cila u mbajt në Bruksel për të mbledhur financime për rindërtimin e pasojave të tërmetit të 26 nëntorit 2019, qeveria shqiptare nëpërmjet premtimeve, siguroi një shumë prej 1,1 miliardë eurosh donacione dhe hua, e cila ishte mjaftueshme për përballimin e krejt dëmeve të vlerësuara […]

Lexo më shumë

Shqipëria me numrin më të ulët të mjekëve në rajon, por mori më pak nga ndihmat e BE-së

Shqipëria me numrin më të ulët të mjekëve në rajon, por mori më pak nga ndihmat e BE-së

Publikuar më 05.08.2020
Të dhënat nga Organizata Botërore e Shëndetësise dhe studime...

Të dhënat nga Organizata Botërore e Shëndetësise dhe studime nga institucione të tjera e kanë vërtetuar se Shqipëria ka nivelin më të ulët të trupës mjekësore në vend në raport me popullsinë, por pavarësisht kësaj vendi ynë ka marrë sasinë më të ulët të fondeve që Bashkimi Europian ka vënë në dispozicion për vendet e […]

Lexo më shumë

9,5 milionë euro nga BERZH për impiantin fotovoltaik në Vaun e Dejës

9,5 milionë euro nga BERZH për impiantin fotovoltaik në Vaun e Dejës

Publikuar më 04.08.2020
BERZH, pra Banka Evropiane për Rindërtim dhe Zhvillim ka nxj...

BERZH, pra Banka Evropiane për Rindërtim dhe Zhvillim ka nxjerrë në pah mundësine e dhënies së një kredie për Korporata Elektroenergjetike Shqiptare, e cila ka vlerën 9.5 milion euro. Kjo shumë do të jetë për një projekt të panelit diellor lundrues që mund të ndihmojë në uljen e përdorimti të hidrocentraleve. Impianti do të ndërtohet […]

Lexo më shumë