×

Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”

Të braktisur pas tërmetit, banorët: Nuk vjen asnjë inspektor 

Reportazh/ Banorët e zonës së Kombinatit në Tiranë, vazhdojnë ‘jetën’ në çadra. Ata shprehen për “Shekulli”-n se deri më tani nuk ka shkuar askush të inspektojë banesat. Pallatet e reja rezultojnë më të dëmtuara

Enida Vërça

Tërmeti i 26 nëntorit vazhdon të ndihet ende në këmbët e çdo shqiptari. Pasiguria, ankthi dhe vazhdimi i ditës së nesërme, mbetet pikëpyetja më e madhe në familjet tona. Ajo që ka mbetur një javë më pas nga lëkundjet vrastare, është vetëm frika dhe pyetja se ku do të strehon qindra familje. E tillë është edhe zona e Kombinatit në Tiranë. Kjo zonë mbetet nga më të prekurat në kryeqytet, të cilët vazhdojnë ende të qëndrojnë jashtë banesave të tyre si pasojë e mos inspektimit nga autoritet dhe neglizhencës së këtyre të fundit. Banorët shprehen për “Shekulli”-n se që prej ditës së tërmetit dhe sot vazhdojnë ende të jetojnë në çadrat që kanë ndërtuar vet në oborret e pallateve dhe askush nuk ka shkuar ti vizitojë, të bëjë inspektimet që duhen për të konfirmuar nëse duhet apo jo të jetojnë brenda atyre mureve. Hysni Rama, një prej banorëve që jeton në një prej blloqeve të këtyre pallateve në Kombinat, thotë se ndërtuesi i pallatit të tyre është Aqif Hoxha, të cilit ia ka blerë hyrjen vetëm 5 vite më parë. Ai thotë se pallati është i ri dhe nuk ka shumë vite që është ndërtuar, por pavarësisht kësaj, duket se nuk ka mundur t’i shpëtojë dëmtimeve të dy tërmeteve, atij të 21 shtatorit dhe atij të ndodhur një javë më parë, që tronditi gjithë vendin.”E vetmja kërkesë që ne kemi është të vijnë autoritetet të bëjnë inspektimet. Nëse shtëpia është e pabanueshme ne dalim nga aty. Në tërmetin e 21 shtatorit pallati pësojë dëmtime, por askush nuk erdhi për të parë situatën nga afër. Edhe me ketë tërmetin e dytë, që ishte edhe më i madh, akoma nuk ka ardhur njeri. Jetojmë me frikë çdo ditë”, shprehet i moshuari. Në fjalën e tij nuk mund të lërë pa përmendur edhe situatën me të cilën u përballë gjatë tërmetit 6.4 të shkallës Rihter. Edhe pse i moshuar, i cili ka kaluar edhe tërmete të tjerë në jetë, sipas tij ky ishte më i frikshmi, pasi në banesë ndodhej vetëm me nipin dhe mbesën. “Ka qenë një tmerr i vërtet. Isha në shtëpi me nipin dhe mbesën mëngjesin e 26 nëntorit. I traumatizuar i thirra nipit dhe mbesës që të dilnin jashtë, të mos me prisnin mua, por ata nuk pranonin, pa më marrë dhe mua. Më morën dhe dolëm jashtë banesës sa u qetësuan lëkundjet. Më pas nuk hymë më atë mëngjes në shtëpi. E gdhimë jashtë. Tmerr o bijë!”, tregon ai.

Inspektimet

Me qindra pallate kanë pësuar dëmtime në këtë zonë. Me qindra familje kanë mbetur në rrugë dhe me qindra të tjera shpresojnë që post-lëkundjet të jenë të lehta, duke mos rrezikuar jetën. Sofie Mehmetaj është një tjetër banore e cila jeton në këtë zonë, teksa thotë se e vetmja gjë që kërkojnë janë ekspertët. “Pallati jonë ka pësuar shumë dëmtime, por ajo që duam të dimë është se këto janë dëmtime strukturore apo jo. Vetëm këtë duam që të sigurohemi. Mbrëmë kemi qëndruar në çadër. Me fëmijë, me pleqëri, në të ftohtë. Shteti duhet të vijë, të na sigurojë nëse jetohet apo jo. Jemi në pritje. Kanë dalë thonë në terren po vëzhgojnë. Po ku janë? Deri më tani asnjë ekspert nuk ka ardhur. Edhe më tërmetin e parë, patëm dëme dhe nisëm t’i rregullojmë vet. Çuam dokumentet ku bëmë kërkesën për të bërë vëzhgimet, askush nuk erdhi. Edhe sot që flasim bashkë, është e njëjta gjë. Nuk duam ndihma, asgjë, por të sigurojnë nëse jetohet këtu apo jo. Na ka hyr frika në palcë. Në shtëpi shkojmë vetëm për nevojat personale dhe gjithë kohës jemi në çadër. Për të ngrenë na ka sjell Imami i xhamisë këtu, po ashtu edhe batanije e shtretër, nga njeri tjetër nuk kemi pasur asnjë ndihmë”, thotë Mehmetaj.

Katundi i Ri Tiranë

Festim Shatrolli, banor në Katundin e Ri, deklaron se i kanë kërkuar ekspertët në tërmetin e 21 shtatorit dhe askush nuk e ka marrë për bazë shqetësimin e tyre. Ndërkohë me tërmetin e dytë, situata është rënduar edhe më shumë, duke rrezikuar jetën e tyre. “Na premtuan se do të vinin ekspertë që në tërmetin e parë. Pritëm dhe kjo gjë nuk ndodhi, hymë prapë në banesë, se nuk kishim ca të bënim. Me ketë tërmetin e fundit, situata u rëndua edhe më shumë. Plasën muret, ranë tavanet. I kam bërë fotot, i kam dërguar në komunë dhe presim që të bëhen vlerësimet. Me frikë po jetojmë. Çdo lëkundje na i ka kthyer jetën në makth, meraku më i madh është për fëmijët. Janë tmerruar nga kjo ngjarje”, thotë ai.

Histori

Teksa ecën në rrugët e kësaj zone, historitë janë të ndryshme, por shqetësimet janë të njëjta. 70-vjeçarja Myrvete, jeton e vetme në një pallat të dëmtuar nga tërmetet e fundit. Banorët tregojnë se e moshuara ka humbur të gjithë fëmijët dhe i vetmi njeri që kujdeset për të është mbesa. Ne ishim të pranishëm në shtëpinë e saj, por lëndimet e marra nga jeta e bënin të moshuarën të mos reagonte për asgjë. E vetmja gjë që ne morëm prej saj ishin lotët dhe lëngimet. Sipas banorëve, natën e tërmetit 70-vjeçarja kishte qenë e vetme dhe nuk kishte dalë jashtë banesës, me shpresën se kësaj radhe do të vdiste nga lëkundjet. Erind Kota, banorë i të njëjtit pallat, teksa tregon dëmtimet që ka marrë banesa e tij, thotë se për nënë Myrveten kujdesen të gjithë banorët, por ajo ka nevojë për më shumë. Babai i tre fëmijëve, i cili është i papunë dhe shpreson që kjo ngjarje të mos përsëritet, bën apel për ndihmë për këtë nënë të moshuar. “Ne kujdesemi për të. Ajo është pa jetë. I ka humbur të tre fëmijë. Nuk del kurrë jashtë dhe shpesh e dëgjojmë të qaj dhe ulërasë me zë të lartë. Po çfarë mund të bëjmë ne? Nuk kemi asgjë në dorë. Unë jetoj në kushte të vështira dhe me frikë të madhe për fëmijët, pasi shtëpia ka pësuar shumë dëmtime”, thotë ai. Ashtu si në shumë zona të tjera edhe pse në Kombinatin e kryeqyteti, kësaj radhe nuk humbi jetën njeri si pasojë e tërmetit, nëse kjo dukuri natyrore përsëritet, do të shkaktojë viktima nëse nuk nisin kontrollet serioze. Banorët nuk kërkojnë asgjë përveç sigurimit të banesave, që darkën ta kalojnë të qetë.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/

Leave a Reply

Your email address will not be published. Required fields are marked *

Infektohet edhe Skrapari, pozitive me Covid-19 babai i sekretares së kryebashkiakut

Infektohet edhe Skrapari, pozitive me Covid-19 babai i sekretares së kryebashkiakut

Publikuar më 05.08.2020
Si shumë qytete të tjera edhe Skrapari ka shënuar sot rastin...

Si shumë qytete të tjera edhe Skrapari ka shënuar sot rastin e parë me Covid-19 pas shpërthimit të epidemisë në vendin tonë. Mësohey se një 67-vjeçar i cili është babai i sekretares së kryebashkiakut ka rezultuar me virus. Rasti i konfirmuar në Skrapar ka ngritur alarmin bashki, ndërkohë që sekretarja është vendosur në karantinë në […]

Lexo më shumë

Nënat e infektuara me virus a mund të ushqejnë fëmijët me gji? Ministria e Shëndetësisë jep përgjigje

Nënat e infektuara me virus a mund të ushqejnë fëmijët me gji? Ministria e Shëndetësisë jep përgjigje

Publikuar më 05.08.2020
Në javën botërore të ushqyerjes me gji, Ministria e Shëndetë...

Në javën botërore të ushqyerjes me gji, Ministria e Shëndetësisë i ka dhënë përgjigje pyetjes nëse një nënë e infektuar me virusin Covid-19 mund të ushqej foshnjën e saj. Ministria thotë se ushqimi me gji, e mbron fëmijën nga shumë sëmundje edhe nëse nëna është e infektuar. “Ushqyerja me gji  përmirëson mbijetesën e foshnjës, siguron shëndet […]

Lexo më shumë

4 viktima, 2 pa sëmundje shoqëruese/ Vazhdon të rritet numri i të prekurve me Covid në Shqipëri

4 viktima, 2 pa sëmundje shoqëruese/ Vazhdon të rritet numri i të prekurve me Covid në Shqipëri

Publikuar më 28.07.2020
117 raste të reja dhe 4 humbje jete në 24 orët e fundit. Fat...

117 raste të reja dhe 4 humbje jete në 24 orët e fundit. Fatkeqësisht, nuk e kanë fituar dot betejën me sëmundjen në spitalin Covid2 “Shefqet Ndroqi” 4 qytetarë: Një 84 vjeçare nga Shkodra, një 75 vjeçar nga Tirana pa sëmundje të tjera. Si dhe 2 qytetarë nga Tirana: një 78 vjeçar dhe një 82 […]

Lexo më shumë

Një tjetër shifër rekord, ja sa raste pozitive me Covid u zbuluan këtë të hënë

Një tjetër shifër rekord, ja sa raste pozitive me Covid u zbuluan këtë të hënë

Publikuar më 27.07.2020
Edhe ky fillim jave ka nisur me numër të lartë viktimash dhe...

Edhe ky fillim jave ka nisur me numër të lartë viktimash dhe të infektuarish nga Covid-19 në vendin tonë. Në 24 orët e fundit janë shënuar 6 viktima dhe 117 raste të reja.  Fatkeqësisht nuk e kanë fituar dot betejën me sëmundjen në spitalin Covid2 “Shefqet Ndroqi” 6 qytetarë: Një 49 vjeçar nga Shkodra, një […]

Lexo më shumë

Gafa e dytë e Manastirliut me maskën, eksperti shpërthen ndaj videos së publikuar

Gafa e dytë e Manastirliut me maskën, eksperti shpërthen ndaj videos së publikuar

Publikuar më 26.07.2020
Eksperti i Shëndetësisë, Erion Dasho ka reaguar sërish ndaj ...

Eksperti i Shëndetësisë, Erion Dasho ka reaguar sërish ndaj ministres Ogerta Manastirliu. Më herët kjo e fundit, publikoi një video informuese në lidhje me vendosjen e maskës. Sipas Dashos me këtë spot të publikuar nga ministrja e Shëndetësisë, Ogerta Manastirliu po realizohet një gafë e dytë. “Spoti promocional i sapo lançuar nga vetë Ministrja, që […]

Lexo më shumë

Brenda “zonës së kuqe”, flet inxhinieri i respiratorëve: Sa kapacitete ka Shqipëria, si mund ta fitojnë betejën të intubuarit

Brenda “zonës së kuqe”, flet inxhinieri i respiratorëve: Sa kapacitete ka Shqipëria, si mund ta fitojnë betejën të intubuarit

Publikuar më 23.07.2020
Inxhinieri i pajisjeve mjekësore pranë spitaleve Covid, Erma...

Inxhinieri i pajisjeve mjekësore pranë spitaleve Covid, Ermand Mertenika tregon për “Shekulli”-n fazat në të cilën kalojnë pacientët e shtruar. Inxhinieri flet për rëndësinë e respiratorit dhe se sa kapacitetet ka Shqipëria për të përballur të intubuarit Enida Vërça Respiratori është mjeti me të cilin pacientët e prekur nga Covid-19 kalojnë ditët e tyre të […]

Lexo më shumë

Virusi ka dalë jashtë kontrollit/ Manastirliu bën deklaratën e fortë: Shumë shpejt ezaurojmë kapacitetet e spitaleve

Virusi ka dalë jashtë kontrollit/ Manastirliu bën deklaratën e fortë: Shumë shpejt ezaurojmë kapacitetet e spitaleve

Publikuar më 23.07.2020
Nga foltorja e Kuvendit, ministrja e Shëndetësisë dhe Mbrojt...

Nga foltorja e Kuvendit, ministrja e Shëndetësisë dhe Mbrojtjes Sociale, Ogerta Manastirliu deklaroi se situata paraqitet tejet serioze. Ministrja kërkoi nga deputetët dhe qytetarët mbajtjen e maskës si vetmja armë që mund të na mbrojë nga virusi i ri. “U bënë disa javë që në vend koronavirusi ka shtuar ngarkesën në sistemin shëndetësor për shkak […]

Lexo më shumë

“Në pak ditë spitalet po mbushen frikshëm me të sëmurë”, mjekja e Covid-2 ngre alarmin

“Në pak ditë spitalet po mbushen frikshëm me të sëmurë”, mjekja e Covid-2 ngre alarmin

Publikuar më 23.07.2020
Mjekja e spitalit “Shefqet Ndroqi”, Loreta Bica iu bën apel ...

Mjekja e spitalit “Shefqet Ndroqi”, Loreta Bica iu bën apel qytetarëve që të përdorin maskë, për të mbrojtur veten dhe të tjerët. Në postimin ë shpërndarë nga ministrja e Shëndetësisë, Bica shkruan se spitali është mbushur në mënyrë të frikshme nga të sëmurë në gjendje të rëndë në fare pak ditë. “Jo rrallë dëgjoj të […]

Lexo më shumë