Studimi/ Fasulet zëvendësuesi më i mirë i mishit të kuq

Publikuar më 16. 11. 2017 nga Bleona Metushi

Sipas një studimi të ri të publikuar në revistën “Journalof Food Science”, fasulja është zëvendësimi më i mirë për mishin e kuq, sepse ka burim të shkëlqyeshëm të proteinave dhe nxit ndjenjën e ngopjes.

Në studim kanë marrë pjesë 28 persona. Pjesëmarrësit janë ndarë në dy grupe. Njëri grup për drekë ka ngrënë mish të kuq, ndërkaq grupi tjetër fasule.
Të dy racionet kanë pasur pjesë të njëjtë kalorish dhe yndyre. Mirëpo, dreka me mish të kuq në vete përmban 26 gramë proteina dhe 3 gramë fibra, ndërsa dreka me fasule ka gjithsej 17 gramë proteina, mirëpo madje 12 gramë fibra.

Pjesëmarrësit tri orë pas ngrënies kanë plotësuar pyetësorin nëpërmjet të cilit kanë treguar se sa janë të ngopur. Siç kanë thënë, pjesëmarrësit e të dy grupeve njësoj kanë ngrënë, që mund të arrihet te përfundimi që fasulja njësoj ngop si edhe mishi i kuq, ndërkaq organizmit i siguron sasi të kënaqshme proteinash.

Proteinat janë të rëndësishme për shëndetin e eshtrave dhe muskujve. Ato marrin pjesë në forcimin e sistemit të imunitetit dhe ndihmojnë në preventivën e lodhjes kronike. Hulumtimet e deritashme kanë treguar që tri porcione fasule në javë mund të ndihmojnë në preventivën e sëmundjeve kronike, siç janë obeziteti, lloje të ndryshme të kancerit, diabeti dhe sëmundjet e zemrës.