Shqiptarët të dashuruar me BE, serbët euroskeptikët më të mëdhenj, ja pse

Publikuar më 12. 01. 2018 nga Eno Shkëmbi

Euroskeptikët më të mëdhenj në Ballkanin Perëndimor janë serbët, ndërsa qytetarët e Kosovës dhe ata të Shqipërisë janë më të orientuar drejt BE-së, nga të 6-ta shtetet në rajon.

Këtë e tregon rezultati i një studimi të programit të BE, “Horizon 2020”, i cili u publikua dje. Sipas këtyre të dhënave, Serbia nga 6 vendet e Ballkanit Perëndimor, kryeson në qëndrimin se BE sjell dobi vetëm atyre që janë të pasur dhe të fuqishëm, qëndrim ky i rreth 60 për qind të të anketuarve. Në këtë mënyrë mendojnë edhe 50 për qind e maqedonasve, ndërsa shqiptarët euroskeptikë janë vetëm 30 për qind.

Serbët e shohin BE-në si kërcënim, si për identitetin kulturor ashtu edhe për atë ekonomik. Në të dy këto kategori, Serbia kryeson dhe këtë qëndrim e ka rreth 55 për qind e të anketuarve. Frikën më të vogël se BE do të kërcënojë identitetin e tyre kulturor e kanë të anketuarit nga Shqipëria, të cilët në masën më të vogël konsiderojnë se BE është e keqe për ekonominë e tyre. Qëndrime të ngjashme pozitive për BE-në ka edhe Kosova. Interesante është që qytetarët e Malit të Zi, edhe pse janë shumë pranë BE-së, janë më skeptikë se qytetarët e shqiptarisë dhe Kosovës.

Në këtë studim Shqipëria dhe e Kosova janë trajtuar si dy shtete të veçanta