×

Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”

Shqiptarët nuk i sigurojnë banesat, dëmshpërblimet nga sigurimi vullnetar

Ligji i sigurimit/ Një banesë me vlerë 100 mijë euro sigurohet për 100 euro/vit, përfshihen edhe pajisjet elektroshtëpiake

Dokumentet dhe procedurat për kompensimin. Në qeveri prej kohësh diskutohet ligj për sigurim të detyruar, por qëndron në letër

Neritan Gjergo

Kush ka një banesë të siguruar në shoqëritë e sigurimit dhe i ka pësuar dëmtime nga tërmeti,  mund të përfitojë kompensim, sipas ligjit nr. 52, datë 22.05.2014 “Për veprimtarinë e sigurimit dhe risigurimit”. Polica e sigurimit u jep mundësinë qytetarëve që të sigurohen nga zjarri dhe forcat e natyrës në mënyrë vullnetare dhe çdo biznes apo rezident mund të kryejë sigurimin e pronës në një nga 8 shoqëritë e sigurimit të jo-jetës që ushtrojnë aktivitetin në Shqipëri. Në raportin mesatar 1 me 1000, pra një banesë me vlerë 100 mijë euro sigurohet për 100 euro/vit, sigurimi banesën. Sigurimi i pasurisë ofron mbulim dhe mbështetje financiare, rikthim te pasurisë në gjendjen e mëparshme nga humbjet e papritura të shkaktuara nga fatkeqësitë natyrore si zjarri, rrufe, tërmet, përmbytje, stuhi, breshër por edhe nga vjedhjet.

Dëmet që kompensohen

Kompanitë e sigurimit me sigurimin e banesës për individët, si rregull sigurojnë edhe pajisjet shtëpiake deri ne 30% te vlerës se ndërtesës, paratë dhe sendet me vlerë, duke filluar nga 500-2500 € për secilin, shpenzimet e zhvendosjes së përkohshme deri në 4,000 euro, përgjegjësia ndaj palëve të treta deri në 4,000 €. Kompanitë e sigurimit duhet të kompensojnë bizneset në 100% për humbjen e fitimit për një periudhë 12-mujore, në rast se është e siguruar 100% dhe vetëm për vlerën e kredisë. Sigurimi nga ndërprerja e biznesit është sigurim i veçantë. Kompanitë e sigurimit ofrojnë sigurim për pasuri të luajtshme (inventar, lëndë e pare, mall ne proces, makineri, pajisje, linja përpunimi, etj), si dhe pasuri të paluajtshme, si (apartamente, vila, fabrika, zyra administrative, njësi biznesi, etj), e ju dëmshpërblen për humbjen, dëmtimin ose shkatërrimin e pasurisë së siguruar në mënyrë te papritur , të paparashikuar dhe aksidentale. Kompanitë e sigurimit pohojnë se bizneset, për të kursyer, tentojnë përgjithësisht të mos sigurojnë gjithë vlerën e pronës, por vetëm atë që kanë lënë si kolateral për kredi dhe në këto raste ato dëmshpërblehen vetëm për vlerën e sigurimit të kredisë. Ngjarjet që sigurohen bizneset janë kryesisht zjarri, rrufeja, shpërthimi, rënia e Avionëve dhe/ose pjesëve prej tyre. Rreziqet shtesë përfshijnë tërmetin, rrëshqitja e tokës, përmbytja, rritja e nivelit të ujërave, stuhia, vjedhja, thyerja e xhamave, impakti me mjetet, zhurmat SuperSonike, aktet keqdashëse, grevat, ngujimi i punonjësve dhe trazirat Civile.

Ligji

Tërmeti i mëngjesit të së martës, ndër më të rëndët që kanë goditur ndonjëherë Shqipërinë, solli pasoja të rënda në jetë njerëzore, të plagosur dhe dëme materiale. Megjithëse bilanci i dëmeve do të kërkojë kohë, kronika e orëve të para tregon se ky bilanc do të jetë i rëndë për shumë nga qytetarët e prekur. Tërmeti dëshmoi sërish përmasat e mëdha të rrezikut të fatkeqësive natyrore, jo vetëm për jetën, por edhe për ekonominë e njerëzve. Nëse para forcave madhore të natyrës jemi të pafuqishëm, e vetmja gjë që mund të bëjmë është të minimizojmë rrezikun ekonomik nga fatkeqësitë e këtij lloji. Por, për fat të keq, shqiptarët janë pothuajse tërësisht të zbuluar edhe përballë dëmit ekonomik të shkaktuar nga këto fenomene. Të dhënat e Autoritetit të Mbikëqyrjes Financiare tregojnë se në nëntë muajt e parë të këtij viti, primet e sigurimit nga fatkeqësitë natyrore ranë me 29% krahasuar me të njëjtën periudhë të një viti më parë. Gjithsej, në nëntë muaj u shpenzuan vetëm 882 milionë lekë për t’u siguruar nga zjarri dhe forcat e tjera të natyrës. Kjo shifër përbën vetëm 7.4% të volumit total të tregut të sigurimeve. Mesatarisht, çdo shqiptar këtë vit ka shpenzuar vetëm dy euro e gjysmë për frymë në prime të sigurimit kundër forcave të natyrës. Shqipëria është zonë sizmike dhe potencialisht rreziku nga tërmetet është i lartë, pa llogaritur që në dekadat e fundit është prekur edhe nga fatkeqësi të tjera me pasoja të rënda, kryesisht përmbytje. Por, pavarësisht rreziqeve të mëdha potenciale, që shpesh herë janë materializuar edhe më dëme të konsiderueshme vit pas viti nuk duket të ketë ndonjë rritje të ndërgjegjësimit të publikut për t’u siguruar. Prej vitesh po diskutohet për ngritjen e një skeme kombëtare të sigurimit nga fatkeqësitë, projekt ky i nxitur nga Banka Botërore. Por, megjithë fatkeqësitë e njëpasnjëshme të ndodhura, qeveritë deri tani nuk e kanë marrë përsipër ngritjen e një skeme të tillë.

Dokumentet

Për të marrë kompensimin e dëmit dokumentet që nevojiten janë si vijon. Njoftim kërkesa, polica e sigurimit, dokumentacionin e pronësisë të objektit të dëmtuar. Raporti i policisë për ngjarjen(në varësi të ngjarjes). Vendimi i prokurorisë për ngjarjen (në varësi të ngjarjes). Fotografi të vendit të ngjarjes dhe objektit të dëmtuar. Preventiv paraprak (në rast se disponohet). Afati ligjor për trajtimin e rastit është 60 ditë nga data e njoftim kërkesës.

Qeveria ka hartuar një projektligj, ende të pa miratuar, sipas të cilit do t’i nënshtrohen kontrollit teknik të gjitha godinat e ndërtuara para vitit 1970. Kështu sipas draftit të hartuar, të gjitha ndërtesat publike dhe jo publike, të cilat janë ndërtuar mbi 50 vite më parë do t’i nënshtrohet kontrollit teknik. Ky është propozimi më i fundit i qeverisë nëpërmjet ndryshimeve të reja ligjore të paraqitura në Parlament. “Të gjitha objektet, të cilat kanë mbi 50 vjet që janë ndërtuar, i nënshtrohen procesit të auditimit teknik.”, thuhet në amendamentin e paraqitur nga Qeveria.

Bizneset, për të kursyer, tentojnë përgjithësisht të mos sigurojnë gjithë vlerën e pronës, por vetëm atë që kanë lënë si kolateral për kredi dhe në këto raste ato dëmshpërblehen vetëm për vlerën e sigurimit të kredisë. Ngjarjet që sigurohen bizneset janë kryesisht zjarri, rrufeja, shpërthimi, rënia e Avionëve dhe/ose pjesëve prej tyre

882 milionë lekë u shpenzuan në nëntë muaj për t’u siguruar nga zjarri dhe forcat e tjera të natyrës. Kjo shifër përbën vetëm 7.4% të volumit total të tregut të sigurimeve.

30 % e vlerës së ndërtesës sigurohet nga kompanitë private për elektroshtëpiaket. Ndërkohë shpenzimet e zhvendosjes së përkohshme dhe përgjegjësia ndaj palëve të treta mbërrijnë deri në 4000 euro

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/

Leave a Reply

Your email address will not be published. Required fields are marked *

Shqipëria me numrin më të ulët të mjekëve në rajon, por mori më pak nga ndihmat e BE-së

Shqipëria me numrin më të ulët të mjekëve në rajon, por mori më pak nga ndihmat e BE-së

Publikuar më 05.08.2020
Të dhënat nga Organizata Botërore e Shëndetësise dhe studime...

Të dhënat nga Organizata Botërore e Shëndetësise dhe studime nga institucione të tjera e kanë vërtetuar se Shqipëria ka nivelin më të ulët të trupës mjekësore në vend në raport me popullsinë, por pavarësisht kësaj vendi ynë ka marrë sasinë më të ulët të fondeve që Bashkimi Europian ka vënë në dispozicion për vendet e […]

Lexo më shumë

9,5 milionë euro nga BERZH për impiantin fotovoltaik në Vaun e Dejës

9,5 milionë euro nga BERZH për impiantin fotovoltaik në Vaun e Dejës

Publikuar më 04.08.2020
BERZH, pra Banka Evropiane për Rindërtim dhe Zhvillim ka nxj...

BERZH, pra Banka Evropiane për Rindërtim dhe Zhvillim ka nxjerrë në pah mundësine e dhënies së një kredie për Korporata Elektroenergjetike Shqiptare, e cila ka vlerën 9.5 milion euro. Kjo shumë do të jetë për një projekt të panelit diellor lundrues që mund të ndihmojë në uljen e përdorimti të hidrocentraleve. Impianti do të ndërtohet […]

Lexo më shumë

Që para fillimit të pandemisë, euro zbret në nivelin më të ulët

Që para fillimit të pandemisë, euro zbret në nivelin më të ulët

Publikuar më 03.08.2020
Monedha e përbashkët ka shënuar një rënie të fortë sot në tr...

Monedha e përbashkët ka shënuar një rënie të fortë sot në tregun e brendshëm valutor. Sipas kursit zyrtar të Bankës së Shqipërisë, një euro u këmbye sot me 123.636 lekë, me një rënie prej 0.59 lekësh në raport me fundin e javës së kaluar. Ky është niveli më i ulët që nga data 17 mars, […]

Lexo më shumë

Standard & Poor’s konfirmon për Shqipërinë vlerësimin aktual në “B+” por paralajmëron uljen e renditjes

Standard & Poor’s konfirmon për Shqipërinë vlerësimin aktual në “B+” por paralajmëron uljen e renditjes

Publikuar më 01.08.2020
Agjencia ndërkombëtare e vlerësimit Standard & Poor’s (S...

Agjencia ndërkombëtare e vlerësimit Standard & Poor’s (S&P) konfirmon për Shqipërinë vlerësimin aktual në “B+” si dhe me perspektivë “të qëndrueshme” në vlerësimin e saj të fundit. Mirëpo, gjithashtu paralajmëron se, nëse borxhi publik vazhdon rritjen dhe materializohen detyrimet e PPP-ve, atëherë do të mund të ule renditjen vitin e ardhshëm. “Ne mund të ulim […]

Lexo më shumë

Nënshkruhet marrëveshja për Parkun Fotovoltaik të Karavastasë, investimi fillon në shtator

Nënshkruhet marrëveshja për Parkun Fotovoltaik të Karavastasë, investimi fillon në shtator

Publikuar më 31.07.2020
Ditën e sotme, qeveria shqiptare ka nënshkruar marrëveshjen ...

Ditën e sotme, qeveria shqiptare ka nënshkruar marrëveshjen me kompaninë gjigande franceze Voltalia në lidhje me ndërtimin e Parkut Fotovoltaik të Karavastasë. Ishte ministrja Balluku që nënshkroi marrëveshjen nga pala shqiptare ndërsa kryeministri Rama bëri me dije se investimi 100 milion eurosh fillon nga muaji shtator. “Është një ditë e shënuar pushimi në kalendarin e […]

Lexo më shumë

Banka Botërore, 15 milionë euro kredi për Shqipërinë për luftën kundër COVID-19

Banka Botërore, 15 milionë euro kredi për Shqipërinë për luftën kundër COVID-19

Publikuar më 31.07.2020
Banka Botërore miratoi një financim prej 15 milionë eurosh k...

Banka Botërore miratoi një financim prej 15 milionë eurosh kredi për Shqipërinë si mbështetje në luftën kundër COVID-19. Financimi do të përdoret për të forcuar shërbimet e shëndetit publik dhe për të mbrojtur jetën e grupeve më të rrezikuara nga virusi. Projekti do të trajnojë stafin mjekësor për të parandaluar infektimet mes tyre. Fondi do […]

Lexo më shumë

Industria globale e turizmit humbi 320 miliardë dollarë

Industria globale e turizmit humbi 320 miliardë dollarë

Publikuar më 30.07.2020
Pandemia e koronavirusit i kushtoi industrisë globale të tur...

Pandemia e koronavirusit i kushtoi industrisë globale të turizmit 320 miliardë dollarë humbje, në periudhën janar-maj të vitit 2020, bëri të ditur Organizata Botërore e Turizmit, që funksionon pranë Kombeve të Bashkuara. Në një raport të publikuar të martën, organizata tha se kjo humbje është tri herë më e madhe se ajo nga kriza globale […]

Lexo më shumë

Koronavirusi bën që shqiptarët të kursejnë, depozitat rriten sërish

Koronavirusi bën që shqiptarët të kursejnë, depozitat rriten sërish

Publikuar më 30.07.2020
Të dhënat e Bankës së Shqipërisë bëjnë të ditur se kjo tende...

Të dhënat e Bankës së Shqipërisë bëjnë të ditur se kjo tendencë po reflektohet edhe në Shqipëri. Statistikat tregojnë se totali i depozitave shënoi në qershor rritje për të dytin muaj radhazi, duke arritur në gati 1.06 trilionë lekë, ose 8.5 miliardë euro, me një zgjerim prej 0.5%, ose 45 milionë euro më shumë, në […]

Lexo më shumë