As shirat e rrëmbyer nuk ndaluan hajdutët, bënë kërdinë

Nga Bleona Metushi

Edhe pse vendi ishte në një gjendje alarmante, ku uji përmbyti shumë qarqe të Shqipërisë, hajdutët nuk harruan zakonin e tyre. Gjatë këtyre ditëve të vështira, për të gjithë qytetarët, të shumta janë rastet e grabitjeve që janë raportuar nga policia. Hajdutët duke përfituar nga kjo situata e krijuar, bën kërdinë.

Rastet e grabitjeve

Vorë– Gjatë natës së 2 dhjetorit, në qytetin e Vorës, është vjedhur pa thyerje banesa e shtetasit me inicialet E.A, 33 vjeç ku kanë marrë 2 telefona tip “Samsung” dhe një sasi  lekësh. Ndërkohë po punohet për identifikimin dhe kapjen e autorit.

Vlorë– Një vjedhje ka ndodhur datën dhjetor rreth orës 13:00, në shtëpinë e shtetasit me inicialet, Z.P.,  78 vjeç, banues në Dukat Fshat. Ai  kallëzoi se në një banesë ku prej disa muajsh nuk banonte njeri, persona të paidentifikuar, i kanë vjedhur një komplet enësh gatimi metalike me vlere 10.000 lekë. Po punohet për identifikimin dhe kapjen e autorit.

Vlorë– Gjatë natës së 2 dhjetorit, në lagjen “4 Heronjtë”, nga persona të paidentifikuar, janë vjedhur pjesët e mjetit tip “Volksvagen” filtri i ajrit, fenerët dhe baterinë, në pronësi të shtetasit G.H., 28 vjeç. Po punohet për identifikimin dhe kapjen e autorëve.

Elbasan– Natën e 2 dhjetorit në fshatin Gjinar, janë vjedhur 50 m linear tubë plastik që shërben për furnizimin me uji të pijshëm të banesës në pronësi të shtetases me inicialet D.P., 55 vjeç. Po punohet për identifikimin dhe kapjen e autorit. Materialet i kaluan Prokurorisë së Rrethit Gjyqësor Elbasan, për vlerësim.

Fier– Natën e 2 dhjetorit, në lagjen “15 Tetori”, është vjedhur banesa e shtetasit me inicialet, B.B.,  59 vjeç, ku kanë marrë një sasi lekësh dhe eurosh. Po punohet për identifikimin dhe kapjen e autorit.

Fier– Specialistët për Hetimin e Krimeve në Komisariatin e Policisë Fier, arrestuan në flagrancë shtetasin Astrit Lika, 25 vjeç, banues në lagjen “15 Tetori” Fier. Arrestimi i këtij shtetasi u bë pasi në vendin e quajtur “Shatërvani” Fier, i ka vjedhur një çantë me 12 telefona  celularë të riparuar të markave të ndryshme shtetasit H.D, 74 vjeç, banues në lagjen “1 Maji” Fier. U sekuestruan në cilësinë e provës materiale 12 telefonat celularë. Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhja”.

Krujë– Natën e 2 dhjetorit, në fshatin Borizanë, Krujë, është tentuar  të vidhet Posta Shqiptare. Po punohet për identifikimin dhe kapjen e autorëve.

Të tjera

Abissnet