Shqipëria ia del në Antalia, triumfon ndaj Turqisë (VIDEO)

Publikuar më 13. 11. 2017 nga Eno Shkëmbi

Shqipëria ka mposhtur me shifrat 2-3 Turqinë në miqësoren e mbrëmjes së sotme të luajtur në Antalia. Një sfidë e kaluar për trajnerin Kristian Panuçi, i cili hodhi në fushë një ekip sulmues.

Ishte Armando Sadiku që shënoi një dopietë në pjesën e parë të takimit, ndërsa goli i tretë për kuqezinjtë dhe i pari personal u realizua nga Grezda në pjesën e dytë.

Dy golat për Turqinë mbajnë firmën e Under dhe Akbaba. Shqipëria mbeti me 10 lojtarë pas daljes së Memushajt në minutën e ’41 të takimit, çka krijoi hapësira  për turqit në prapavijë.

Me gjithë sulmet e shumta të vendasve pjesën e dytë, kombëtarja e Panuçit e mbrojti fitoren deri në fishkëllimën e fundit të arbitrit.

Minutë pas minute 

(19:59)

Eros Grezda ka shënuar golin e parë me kombëtaren shqiptare, në përballjen ndaj Turqisë duke i çuar shifrat në 2-3. janë kunërpërgjigjur vendasit që ngushtuan rezultatin 1 minutë më vonë me Emre Akbaba.

(19:30)

Turqia ka ngushtuar shifrat në 1-2 në përballjen miqësore që po luhet në Antalia. Ka qenë Under që shënoi në minutën e 47-të, pas dy golave Sadikut në pjesën e parë.

Turqia është hedhur në sulm pjesën e dytë, duke shfrytëzuar edhe epërsinë me lojtarë në fushë, pasi Shqipëria luan me 10 futbollistë pas daljes me të kuq të Memushajt.

(19:10)

Armando Sadiku ka shënuar golin e dytë për Shqipërinë në ndeshjen përballë Turqisë.

Numri “10” ka çuar topin në rrjetë pas një goditje me kokë në minutën e ’39. Ishte sërish Roshi lojtari që dha asistin e artë për Sadikun që nuk e pati të vështirë të shënojë.

Kuqzinjtë e Panuçit po tregohen cinikë para portës kundërshtare, ndryshe nga takimet e fundit kur krijoheshin shumë raste, por pak finalizime.

Shqipëria është me 10 lojtarë në fushë, pasi në minutën e ’41 pasi Memushaj doli nga loja pas një kartoni të kuq, që erdhi pas një tjetër kartoni të verdhë të marrë më herët.

 

19:00

Shqipëria ka kaluar në avantazh ndaj Turqisë në miqësoren që po luhet në Antalia.

Ka qenë Armando Sadiku që ka dërguar topin në rrjetë pasi një asisti të mirë të Roshit në zonën kundërshtare.

Ky ishte goli i dhjetë për bomberin me fanellën e kombëtares.

Panuçi ka hedhur në fushë një skuadër sulmuese në përballjen e sotme ku Sadiku mbështetet nga krahët nga Roshi dhe Grezda.