Rumania voton për të zgjedhur presidentin

Shtetasit rumunë do të votojnë këtë të dielë për të zgjedhur presidentin e ri të vendit. Sondazhet e nxjerrin presidentin 60-vjeçar Iohannis fitues të raundit të parë të zgjedhjeve me 40% të votave, rezultat që do e çojë në një raund të dytë votimi më 24 nëntor.

Sipas gjithë të dhënave paraprake, votuesit pritet të mbështesin presidentin në detyrë Klaus Iohannis, një politikan që ka dhe mbështetjen e Perëndimit për angazhimin e tij për shtetin e së drejtës.

Presidenti në Rumani emëron kryeministrin, i cili ka fuqi ekzekutive, pasi mban konsultime me partitë politike. Ai mundet gjithashtu që të kthejë ligjet e miratuara nga parlamenti duke i çuar ato për rishqyrtim ose në Gjykatën Kushtetuese.

Presidenti aktual Iohannis ka si rivale kryesorë në garën për president lideren e Social Demokratëve dhe ish-kryeministren, Viorica Dancila si dhe Dan Barna, i cili është kreu i opozitës së qendrë së djathtë.

Leave a Reply

Your email address will not be published. Required fields are marked *

Të tjera

Abissnet