Reshjet e shiut “paralizojnë” sërish Vlorën, situata pritet të rëndohet

Reshjet e dendura të shiut ditën e sotme kanë mjaftuar që rrugët e qytetit të Vlorës të përmbyten nga vërshimi i ujit.

Akset kryesore të cilat ndodhen nën pushtetin e ujit janë rruga pranë Portit të Vlorës, Bulevardi Vlorë-Skelë, lagjja “29 Nëntori”.

Situata e rëndë ka paralizuar edhe qarkullimin e automjeteve dhe të këmbësorëve. Ndërkaq, problematike paraqitet situata edhe në katet e para të banesave, ku uji ka dëmtuar orenditë dhe mobiljet.

Reshje intensive shiu priten edhe ditën e nesërme, kësisoj situata e përmbytjeve në qytetin bregdetar pritet të përkeqësohet. 

Nuk është hera e parë që Vlora dhe qytete të tjera të vendit përmbyten si pasojë e reshjeve të shiut. Megjithëse  fenomeni është përsëritur disa herë, autoritetet vendore dhe lokale duken të “dorëzuara” përballë problematikës.

Të tjera

Një farsë kosovare

Nga Agron Bajrami Në Kosovë, ka kohë që nuk përbën kurrfarë befasie kur politikanët shkelin fjalën e dhënë, abuzojnë me…

Abissnet