Rama mos ik…!

Jurgen Vladi

Në vitet ‘80 Shqipëria sfilitej dhe gjendja ekonomike bëhej përditë më kritike. Udhëheqja e asaj kohe kishte kuptuar përkeqësimin pa kthim. Por gjithmonë kërkonte të gjente fajtorin. Atë e gjente mes vetes. Vetë ata ishin sabotuesit e ekonomisë, lufta e brrylave është më e fortë se lufta në duel. Këtu duhen 7 dredhi dhe një trimni. Kurban u bë edhe vetë kryeministri i asaj kohe, Mehmet Shehu.

Anija që gjithmonë po fuste ujë u lehtësua dhe populli sikur mori frymë, por asgjë nuk kishte ndryshuar. Pas vdekjes së udhëheqësit , populli shqiptar u përlot e u përqyrr në ekstrem…

Historia u përsërit. Udhëheqësit e lavdishëm dinë t’i tërheqin vëmendjen popullit të vet me një gjest të vogël. Kim Jong-Un me qethjen e tij të jep mesazh se unë qeth flokët po ju u këpus kokën. Ndërsa udhëheqësi shqiptar me brekushe ju thotë se nëse unë dhjes, do të dhjes në brekushet e mia, por juve ju dhjes si shqiptarë.

Kjo ka filluar me kohë, por dhjerjen më të madhe e bëri dje, pardje dhe para disa ditësh. Dje e ‘dhjeu‘ Erion Veliajn, ëndrrimtarin pasues, kryetarin e bashkisë,kur i kërkoi të çohej në 04 :30 A.M. dhe të lyente shkallët e pallatit. Pardje ‘dhjeu’  zëvendësin e tij, Erion Braçe, pse i shkonte nga pas.

Para disa ditësh ‘dhjeu’ atë që e kishte bërë Skënderbe të ditëve të sotme, Spiropalin.

Anija duhet lehtësuar që të qëndrojë mbi ujë dhe këtë po bëjnë. Tani Shqipëria po përmbytet ndoshta Zoti mendoi ta shpëtojë në një formë tjetër. Kryeminstri ka menduar ta shpëtoj në një formë tjetër anijen e tij. Kjo anije do një anije tjetër që ta rimorkojë.

Refuzimin e parë ia ka dhënë këngëtarja e famshme Bebe Rexha. Fondacioni i saj është real, paret e saj janë të deklaruara në shtetin ku jeton dhe flet për shuma të besueshme., e jo shuma fiktive si të tjerët .Bebja ose më mirë Bleta (emri i saj i vërtetë) e “dhjeu” kryeministrin shqiptar.  Duke parë situatën dhe kredibilitetin e tij në ulje Kryeminstri bëri një mbledhje. Mblodhi rreth vetes në një tryezë njerëz komplet të panjohur, por ku bien në sy dy prej tyre .Njëri është një gazetar që tërheq pas vetes nacionalizëm, z .Marin Mema. Marini është i lidhur me Marko Kepin e Amerikës ku kanë grumbulluar një shumë të madhe parash në letra. Po kjo shumë ndodhet në llogaritë e ‘Facebook’ .Për t’u shpërndarë u duhet të paguajnë 15 % Mark Zuckenbergun , plus duhet të marrin firmë avokatie dhe llogarie. Ndërkohë duhet të përballen me ligjet amerikane të të drejtës për bamirësi që mos të prekin fondet Nuk dihet çfarë do të ngelë në fund të ‘pjatës’ për shqiptaret që flejnë në çadra ushtrie.

Tjetri është një përfaqësues fetar. Imam Elvis Naçi që ka përkrahje dhe fonde nga vëllezërit muslimanë. Kohët e fundit ka blerë një spital privat për 350 mijë euro. Naçi ishte ai burrë që qante për Allahun në televizionet shqiptare, ndërsa në vizitën bashkë me kryeministrin në zonat e tërmetit nuk i bënte përshtypje fare, ndërsa gazetarë e shpëtimtarë qanin për situatën dhe njerëzit nën rrënoja. Nga ana tjetër për mua është kritike ngritja e kësaj figure në këtë nivel, duke prishur balancën me dy religjionet tjera. Ndërkohë PD-ja dhe aleatët e saj janë nën rrënojat e tërmetit të kësaj qeverie.

*Autori ka studiuar në New York University për Shkenca Politike dhe Qeverisje

 

Leave a Reply

Your email address will not be published. Required fields are marked *

Të tjera

Abissnet