Protesta të mësuesve në Greqi

Policia greke përdori të premten gaz lotsjellës për të shpërndarë qindra mësues që protestonin kundër planit të qeverisë për të ndryshuar procedurat e punësimit në sektorin publik.

Rreth 2 mijë vetë, shumica pjesë e grupimit komunist PAME, marshuan në rrugët e Athinës duke valëvitur flamuj të kuq dhe hedhur slogane kundër një projektligji të ministrisë së Arsimit, që aktualisht i është nënshtruar një procesi konsultimi me publikun.

Në një prej pankartave të protestuesve shkruhej “kthejeni mbrapsht projektligjin monstër”, shkruan Voa.

Policia u përplas me disa nga protestuesit jashtë parlamentit dhe hodhi gaz lotsjellës ndaj një grupi që u përpoq të hyjë në zyrat e kryeministrisë.

Greqia e ka ngrirë procesin e punësimeve në sektorin publik gjatë peridhës së tejzgjatur të krizës së borxhit, e cila filloi në fund të vitit 2009.

Kësti i tretë i ndihmës financiare ndërkombëtare ka skaduar që në gusht të vitin 2010. Sindikatat e mësuesve thonë se shkollat shtetërore kanë mungesë personeli akadamik dhe kërkojnë hapjen e vendeve të përhershme të punës për mësuesit.

 

Leave a Reply

Your email address will not be published. Required fields are marked *

Të tjera

Edhe unë

Koço Kokëdhima Nisma #Edheunë, e frymëzuar nga deklarata e mjeshtrit të mirënjohur Bujar Kapexhiu për të bojkotuar 30 qershorin, prej ditësh…

Abissnet