Presidenti: Koha për referendum të ri, Manja: Jemi drejt fundit të hetimit për Metën

Vazhdon edhe sot përplasja në distancë mes Presidentit Ilir Meta dhe përfaqësuesve të mazhorancës.

Kreu i shtetit, përmes një deklarate në “Facebook” shprehet:  “Sot është dita e Referendumit të tradhtuar. Koha për referendum të ri!”

Në postim është bashkëngjitur një foto e Kushtetutës së Shqipërisë dhe fotoja e Ilir Metës duke përshëndetur ushtarin e Gardës në Presidencë.

Nga ana tjetër mazhoranca nuk ka humbur kohë duke mbledhur Komisionin Hetimor që heton ligjshmërinë e veprimeve të presidentit.

Kryetari i Komisionit Hetimor Ulsi Manja deklaroi se jemi drejt fundit të hetimeve për kreun e shtetit. Ai shtoi se është “rasti i parë në histori që hetohet një president”.

Ulsi Manja, tha se një material sekret ka ardhur në këtë komision nga Presidenti i Republikës. Ai i kujtoi anëtarëve se nxjerrja e këtij informacioni përbën vepër penale

Ringritja e Gjykatës Kushtetuese ka tensionuar raportet mes Presidentit dhe mazhorancës duke e çuar vendin drejt një thellimi të krizës institucionale.

Dje reagoi edhe ambasada amerikane që u sugjeroi palëve që t’i drejtoheshin Komisionit të Venecias, si një institucion që vepron i pavarur nga palët.

Leave a Reply

Your email address will not be published. Required fields are marked *

Të tjera

Abissnet