PD publikon provat, ja si u manipuluan votimet e 30 qershorit (Foto)

Përmes një deklarate për shtyp nga selia blu, ish-deputeti i Partisë Demokratike, Oerd Byllykbashi, i shoqëruar nga Sekretari për Zgjedhjet, kanë bërë publike prova që tregojnë se si është manipuluar procesi i votimit më 30 qershor.

“Do dokumentojmë me fakte shkeljet ligjore që ndodhën në 30 qershor”, tha Bylykbashi.

Në tabelat e publikuara nga PD vihet re një manipulim i konsiderueshëm me pjesëmarrjen në votime, por edhe në uljen e numrit të votave të pavlefshme. Sipas demokratëve, këto të dhëna janë të vërteta dhe janë siguruar nga shërbimet audio dhe video të qendrave të numërimit.

Gjithashtu Bylykbashi tha se fletët e votimit janë marrë në grup, janë plotësuar dhe janë mbushur kutitë e votimit nga komisionerët socialistë.

“Grupet e numërimit dhe KZAZ-të kanë manipuluar shifrat që kanë dalë nga numërimi i çdo tavoline. Fletët e votimit janë marrë në grup dhe nuk janë numëruar veç e veç shpeshherë. Ka flet votimi të numëruara jashtë kamerave. Janë plotësuar fletë votimi bosh në tavolinat e numërimit. Në kutitë e votimit janë gjetur fletë pa vula. Kutitë janë mbushur nga komisionerët socialistë”, tha Bylykbashi.

Si shembull për manipulimin zgjedhor, me rritjen e numrit të votuesve dhe tjetërsimin e fletëve të pavlefshme, Bylykbashi publikoi shifra nga disa KZAZ, si në Urën Vajgurore, Pogradec, Shkodër, Tiranë e Elbasan.

Leave a Reply

Your email address will not be published. Required fields are marked *

Të tjera

Abissnet