Politikë

Deklarata befasuese e Majlinda Bregut: Vizita e McAllister tij rrit shanset për kompromis

Majlinda_BreguKryetarja e Komisionit te Integrimit Majlinda Bregu, shpreson qe negociatori David McAllister, Kryetari i Komisionit te Jashtëm te Parlamentit Europian, te ndihmoje arritjen e nje kompromisi mes mazhorancës dhe opozitës. Bregu ishte pak dite me pare ne Bruksel, ku mes te tjerëve takoi edhe McAllister, me te cilin bisedoi për situatën ne vend e për kërkesat e opozitës.

“Besoj se do te jete shume mire edhe vizita e Kryetarit te Komisionit te Jashtëm te Parlamentit Europian McAllister. Nuk kam takuar vetëm atë ne Bruksel, kam takuar edhe shume miq e partnere te tjerë ne komision jo vetëm te Partive Popullore, por sigurisht edhe nga Komisioni e Parlamenti Europian, por edhe nga Këshilli. Dhe le te shpresojmë qe me mbërritjen ne date 25 ne Tirane, se bashku me raporterin për Shqipërinë Fleckestein, mbase edhe zoti Eduard Kukan do t’u bashkohet, do te shohim se si do te zhvillohen dhe nëse sigurisht do te arrijnë duke respektuar edhe kërkesat e palëve ne arritjen e një kompromisi”, tha Bregu. Por a rrezikon te refuzohet si negociator David McAllister? Per Bregun, faktori ndërkombëtar është i rëndësishëm për të ndihmuar palët të arrijnë një marrëveshje.

“Te them te drejtën unë nuk mendoj se Shqipëria është ishull dhe as nuk mendoj se ne një proces partneriteti sikurse Shqipëria është duke qene pjese e strukturave te NATO-s, njëkohësisht ne procesin e anëtarësimit ne Bashkimin Europian, ne kemi luksin qe ta shohim veten sikur kemi nje force për t’i zgjidhur problemet tona, ndërkohe qe realisht kemi treguar qe kemi me shume ego sesa dëshire për te zgjidhur situatat. Per me tepër qe besoj shume se dy nga kërkesat kryesore qe ka opozita sot sikurse është zbatimi i ligjit te dekriminalizimit, por edhe pjesa e dekanabizimit ose pjesa e luftës kundër drogës, sidomos kohet e fundit e muajt e fundit janë ne kujdesin edhe te vëmendjes se ndërkombëtareve dhe nuk besoj se janë pak. Prandaj do te ishte shume mire qe ne këtë proces te ruajtjes dhe mbajtjes se partneritetit me këdo qe mendon se Shqipëria e meriton kur ka plotësuar te gjitha detyrimet per te qene vend anëtar i Bashkimit Europian, t’i japim gjithkujt mundësinë edhe kur nuk jemi te zote vete siç e kemi treguar për të na ndihmuar, mbase kthjellohemi te gjithë me shume”, u shpreh Bregu.

Ditën e marte, David McAllister do te mbërrije ne Tirane dhe faktori ndërkombëtar po punon për të hartuar një dokument, i cili t’u vendoset palëve në tavolinë e të shërbejë për arritjen e një marrëveshje. / Vizion Plus/

/D.Xh/

 

 

 

Karadakliu
Majlinda, Presidentja e ardhme shqiptare.MOs ju ças rruges njekahshe anu ese par tiake,Ju jeni kombetare,Jeni ajo qe keni dhene shume per integrimin e Shqiperise.Mund te bindeni shqiptaret,se vertet jeni kombetare e per Shqiperine Evropiane. larg nga animet partiake, sa me afer popullit dhe interesit te shtetit shqiptar. Shqiperia e shqiptareve!

Shto komentin tuaj

2 + 5 =
Gazeta 'Shekulli' iu kërkon gjithë lexuesve të saj, që mundësisht të mos përdorin sharje, fyerje denigruese ndaj dinjitetit njerëzor nëpër komente. Në vend të tyre, faktet dhe argumentet tuaja logjike mund të jenë shumë më të fuqishme pa to. Me respekt dhe falemnderit për pjesëmarrjen tuaj, mjaft të vlefshme në punën tonë!

Ftojmë lexuesit, që nëse kanë opinione mbi shkrimet e botuara te 'Shekulli' apo mbi tema të tjera të lira, mund të na kontaktojnë në adresën: komente@shekulli.com.al


KM