Politikë

Sadrit Danaj zbulon 15 votat që e shkarkuan, ja si u manipuluan (VIDEO)

sadrit 100Sadrit Danaj, ish-kryetar i Këshillit të Qarkut Vlorë, prezantoi dje përpara gazetarëve dokumentacionin e mbledhjes skandaloze të datës 11 prill, ku u kërkua jashtë rendit të ditës mocioni i besimit ndaj tij dhe procesin e manipuluar që e largoi nga detyra. Konferencën e shtypit me gazetarët Danaj e mbajti në selinë e lëvizjes ZGJIDHJA në Vlorë, sepse, siç deklaroi: “Unë mendoja ndryshe nga PS-ja dhe jam me filozofinë e lëvizjes ZGJIDHJA”.

Danaj kishte vendosur në një stendë të 15 votat që thuhet se ishin dhënë nga anëtarët e Këshillit të Qarkut Vlorë, por mes tyre mungonte vota e pavlefshme për të cilën ai, ditën e mbledhjes, kërkoi transparencë përpara mediave dhe anëtarëve të këshillit dhe në vend të saj ishte vendosur një votë tjetër. Danaj tha se edhe disa vota të tjera nuk gjendeshin mes atyre që prezantoi dhe e quajti të paligjshme që kryetari i Këshillit të Qarkut Vlorë është rrëzuar më këtë proces të manipuluar.

Danaj tregoi edhe presionin e paparë dhe terrorin psikologjik që u ushtrua atë ditë përpara votimit, që të arrihej largimi i tij. “Në sallë ishin 5 kryetarë bashkie, 3 deputetë, ministri me truprojë, policët bashkiakë. Kryetari i bashkisë lejoi krime të rënda për demokracinë dhe mendimin e lirë”- u shpreh Danaj. Ai akuzoi ministrin Gjiknuri për presion mbi procesin si dhe PS-në që e lejoi që të bëhej. “Ju e patë vetë se si u fut truproja e tij dhe u përlesh me mua pse kërkova diçka të drejtë”-tha Danaj. Ai tregoi edhe shenjat që ishin bërë të fletët e votimit, me aeroplanë dhe shenja të tjera identifikuese si një votë e kontrolluar.

Danaj kërkoi që të mos lihej me kaq kjo shfaqje e shëmtuar dhe antiligjore. “Fleta e pavlefshme nuk gjendet aty dhe unë kam bërë denoncim, duke kërkuar ndjekje penale. Përgjegjësinë kryesore e ka komisoni i votimit dhe kjo vepër dënohet me 7 vite burg. Po pres që të zbatohet ligji. Dua t’i bëj thirrje deputetit të parë të Vlorës (Edi Rama), që të bashkohet me ZGJIDHJEN. Gjiknuri duhet të japë dorëheqjen nga detyra dhe populli i Vlorës ta përzërë si koordinator dhe deputet. Ai i dha postin e kryetarit të OSHEE në Sarandë atij që ishte kryetar komisioni. Dua t’i bëj thirrje edhe prefektes që ka dosjen e plotë që të mos e konfirmojë këtë proces palaço. I bëj thirrje edhe drejtuesit të universitetit të Vlorës që të dy pedagogët e tij Moçka dhe Balla t’i shkarkojë nga detyra, sepse kanë njollosur emrin e Ismail Qemalit”-tha Danaj.


Nuk ka komente deri më tani. Pse të mos jeni ju të parët?

Shto komentin tuaj

6 + 1 =
Gazeta 'Shekulli' iu kërkon gjithë lexuesve të saj, që mundësisht të mos përdorin sharje, fyerje denigruese ndaj dinjitetit njerëzor nëpër komente. Në vend të tyre, faktet dhe argumentet tuaja logjike mund të jenë shumë më të fuqishme pa to. Me respekt dhe falemnderit për pjesëmarrjen tuaj, mjaft të vlefshme në punën tonë!

Ftojmë lexuesit, që nëse kanë opinione mbi shkrimet e botuara te 'Shekulli' apo mbi tema të tjera të lira, mund të na kontaktojnë në adresën: komente@shekulli.com.al


KM