Gastronomi

Njoki patatesh me fileto krapi

vv2Përbërësit për katër persona:

400g njoki

800g krap

250g domate qershiza

1 gotë verë të bardhë

3 thelpinj hudhre

100g miell

7 lugë vaj ulliri

Majdanoz

1 spec djegës

kripë, piper

PËRGATITJA: Pastrojmë dhe shfiletojmë peshkun, I heqim edhe lëkurën. Lëmë katër fileto të paprera ndërsa të tjerat i presim në kubikë. Pastrojmë domatet nga lëkurat dhe i presim përgjysmë, grijmë majdanozin hollë. Ndërkohë vëmë në zjarr një tigan të madh me vaj ulliri, zverdhim thelpinjtë e hudhrës dhe specin djegës, i heqim dhe hedhim copat e peshkut dhe si të marrin faqe i shuajmë me verë të bardhë dhe e lëmë të avullojë. Shtojmë domatet dhe majdanozin dhe i shtojmë pak ujë të nxehtë dhe i lëmë të ziejnë ngadalë për maksimumi 7–8 minuta. Ndërkohë që ziejmë njokit në ujë me kripë, në një tigan tjetër nxehim vaj ulliri dhe skuqim filetat e paprera të kaluara më parë në miell. Pasi I kalojmë nga të dy anët, i spërkasim me pak verë të bardhë dhe i lëmë mënjanë. Sapo njokit të jenë gati, i kullojmë dhe i hedhim në tiganin me domate e copa peshku dhe i lëmë për pak minuta në zjarr të fortë derisa të lidhen përbërësit me njëri-tjetrin. Përgatisim pjatën me njoki duke e zbukuruar me fileton e skuqur të peshkut. Shërbehet e nxehtë.

/A.B/

Nuk ka komente deri më tani. Pse të mos jeni ju të parët?

Shto komentin tuaj

4 + 7 =
Gazeta 'Shekulli' iu kërkon gjithë lexuesve të saj, që mundësisht të mos përdorin sharje, fyerje denigruese ndaj dinjitetit njerëzor nëpër komente. Në vend të tyre, faktet dhe argumentet tuaja logjike mund të jenë shumë më të fuqishme pa to. Me respekt dhe falemnderit për pjesëmarrjen tuaj, mjaft të vlefshme në punën tonë!

Ftojmë lexuesit, që nëse kanë opinione mbi shkrimet e botuara te 'Shekulli' apo mbi tema të tjera të lira, mund të na kontaktojnë në adresën: komente@shekulli.com.al


KM