Njerëz në bagazhe makinash, 21 vjet burg bandës shqiptaro-angleze

Publikuar më 20. 09. 2017 nga Eno Shkëmbi

Nikoleta Kovaçi

Një bandë kriminelësh, të cilët u përpoqën të trafikonin shqiptarë në Mbretërinë e Bashkuar u shpallën fajtor nga gjykata dhe u dënuan. Vendimi u dha dy ditë më parë ndërsa që në korrikun e këtij viti u lajmërua nga ana e gjykatës së do të përfundohej gjithë gjyqi deri me 18 shtator. E në fakt ashtu ka ndodhur. Ata janë gjetur fajtor për dy raste të trafikut të njerëzve nga Shqipëria drejt Britanisë ndërsa bëhet me dije se prokuroria ka mundur të gjejë përgjimet mes bandës teksa kryenin trafikun. Sipas të dhënave të mediave vendase bëhet me dije se hetuesit përdorën përgjimet telefonike për të zbuluar lidhjet mes Gillian Barker, Ilir Hanit dhe dy kushërinjve, Eduard Karaj 39 vjeç dhe Vullnet Karaj, 41 vjeç që akuzohen si kapo të kësaj bande.

Kontrollet në pikat kufitare të Francës dhe të Belgjikës zbuluan personat që po tentonin të trafikoheshin. Ata të gjithë u akuzuan për komplot për të lehtësuar kryerjen e një shkelje të ligjit të emigracionit në Mbretërinë e Bashkuar nga persona që vijnë nga shtete jo anëtare të BE dhe u dënuan në Canterbury Crown Court në Kent. Vullnet Karaj u dënua me 5.5 vjet burg, Eduart Karaj me 5 vjet, Ilir Hani u dënua me 4 vjet burg. Ndërkohë për shtetasit britanikë Jason Coëley dhe Lee Anderson iu dhanë 30 muaj burgim, ndërsa Gillian Barker mori një dënim prej 20 muajsh

Episodet

Gjashtë anëtarë të një bande të kontrabandës së njerëzve po përballen me burg tashmë pasi kanë tentuar të kontrabandojnë udhëtarët shqiptarë në Angli në bagazhin e makinave të tyre. Lee Anderson, 46 vjeç, dhe Jason Coëley, 44 vjeç, u kapën me tre vetë, një prej të cilëve ishte një fëmijë, në kufi në Coquelles, Francë, në mars të dy viteve më parë. Muaj më vonë, një makinë e drejtuar nga Gillian Barker, 47 vjeç, u ndalua nga të njëjtat komanda dhe oficerët e Forcave Kufitare u tha se gjetën dy burra shqiptarë të fshehur në bagazh. Ekipi i Hetimit Penal dhe Financiar të Emigracionit (CFI) i lidhi dy përpjekjet e kontrabandës me tre individë të tjerë. Më 13 tetor 2015, zyrtarët kontrolluan shtëpitë e Ilir Hanit, Eduart Karajt dhe Vullnet Karajt, 41 vjeç! Përveç shtëpive iu morën edhe të dhënat e udhëtimit dhe aparatet e telefonave të tyre ku mësohet se u zbuluan edhe një sërë lidhjesh të tjera dhe një sërë ofertash të dështuara të kontrabandës.

Hetimet

gjithashtu treguan se Eduart Karaj dhe Vullnet Karaj ishin duke shoqëruar Anderson dhe Cowley me një makinë tjetër për t’u siguruar që ajo do të mbërrinte në vendin e duhur në mënyrë të sigurt. Hetimet Sipas të dhënave mësohet se makina e përdorur nga Barker ishte drejtuar edhe më parë nga Karaj më 12 mars 2015 kur ishte me Anderson dhe Cowley dhe më herët kjo makinë kishte qenë në pronësi të Vullnet Karajt. Hani dhe dy kushërinjtë Karaj u arrestuan të gjithë me dyshim për komplot për të lehtësuar imigracionin e paligjshëm. Eduart Karaj, Jason Cowley, Lee Anderson dhe Gillian Barker u shpallën fajtorë në fillim të gjykimit nga ana e Gjykatës së Canterbury-t në Kent më 7 dhe 8 gusht.

Ilir Hani dhe Vullnet Karaj nuk kaluan në vendim deri në seancën e së hënës. Në lidhje me këtë ngjarje pati folur publikisht ndihmësi i drejtorit David Fairclough nga Hetimi Penal dhe Financiar: “Është e qartë se kjo bandë u përpoq të organizonte këtë kontrabandë për të rregulluar xhepat e vet dhe u dha pak ose aspak shpresë për sigurinë e njerëzve, përfshirë një fëmijë, të cilët ishin të mbyllur në bagazhin e një mjeti. Kjo ishte një përpjekje e koordinuar nga banda, por oficerët tanë punuan pa u lodhur për të shqyrtuar provat që zbuluan ndërmarrjen e tyre kriminale. Shpresoj që ky rast të shërbejë si një paralajmërim për këdo tjetër që mendon për këtë lloj kriminaliteti. Ne do të të kapim dhe do të të sjellim para gjykatave”.