×

Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”

Një ukrainase në Fier për bashkëpunimin me Kharkovin pas luftës

Arben Velo

 Tetiana Yehorova-Lutsenko është një femër tipike ukrainase. Me  sytë ngjyrë ulliri, flokët e verdhë  dhe të qeshurën që i qëndis fytyrën e lëmuar, ajo duket se përcjell mesazhin e ngjyrave kombëtare të këtij vendi, aq dhe fisnikërinë dhe bukurinë ukrainase.

“Sot jam e veshur me kostumin e kryetares së Khrakovit, por në vendlindjen time unë vesh rrobat ushtarake si shumë gra  bashkëqytetare të mia. Atje jam një ushtare e Ukrainës dhe mbaj armë  e luftoj për çlirimin e vendit tim nga  pushtuesit e pabesë rusë- pohon ajo. Tetiana ka ardhur për një vizitë zyrtare në Fier. Është Kryetare e Këshillit Rajonal të Kharkovit në Ukrainë ka ardhur në Fier për të nënshkruar një kontratë bashkëpunimi mes rajonit që drejton dhe Institucionit të Prefektit të Qarkut Fier.

 Në Ukrainë, rolin e Institucionit të Prefektit, sipas saj e luan këshilli rajonal. Khrarkovi është rajoni i dytë më i madh i Ukrainës dhe ka një popullsi rreth 3 milionë banorë. Këshilli rajonal është i përbërë nga 120 këshilltarë, të zgjedhur  direkt me votë nga komuniteti. Ajo me vete ka marrë edhe  djalin e saj, Volodomirin, rreth 13 vjeç.

“E mora këtu, pasi  në rajonin tonë ushtria ruse  ende godet  me artileri dhe raketa. Besojmë deri në fund të muajit  do të çirojmë Khrarkovin dhe qytezat rreth tij nga ushtria pushtuese”- thotë ajo.

 Volodomiri, ka qëndruar së bashku me familjen e tij për 45 ditë në bodrume për ti shpëtuar rrezikut të bombardimeve.

“Jemi mësuar me zhurmën e luftës, zhurmën e raketave dhe bombardimeve. Është mësuar dhe djali me sakrificat tona Dhe gjithë fëmijët po kështu. Duam vetëm të çlirohemi sa më shpejt dhe të nisim rindërtimin e vendit- thotë ajo.

Rrezet e diellit shqiptar i bien ndër flokë duke iu dhënë atyre kuptimin e kallëzave të pjekura të grurit. Duke pulitur sytë që edhe në mbyllje krijojnë një rrezatim miqësor, ajo përmend vendbanimin e saj Kharkovin.

“Në rajonin tonë ka  një numër të konsiderueshëm rusishtfolës. Por ata nuk e duan pushtimin rus. Duan Ukrainën. Khrakrovi është rajoni që Putini e do shumë, sepse ne kemi shumë të zhvilluar pjesën agrare sidomos energji industriale, fabrika për prodhimin e tankeve dhe aviacionit. Gjithësesi  pjesa agrare mbetet shumë e fuqishme. Kishte shumë interesa Rusia ta merrte Ukrainën. Plani ishte ta pushtonte për dy ditë Sot ata nuk futen dot në Kharkov. Ai po dëmtohet nga raketat dhe infrastruktura po dëmtohet shumë.”-plotëson bisedën ajo.

Tetianën e shoqërojnë Drejtoresha e Drejtorisë së Përgjithshme e Politikave për Çështjet Vendore dhe Prefekturat në Ministri të Brendshme Alma Bime, Prefekti i Qarkut Fier Lefter Shehaj,  Konsulli i Nderit i Republikës së Shqipërisë në Ukrainë z. Omarov Shahin, Konsulli i Nderit i Ukrainës në Republikën e Shqipërisë, z. Bledi Barjaktari.

Ballafaqimi i Ukrainës me agresionin rus për të mbrojtur jo vetëm jetët dhe territorialitetin e saj por edhe kauzat e lirisë, paqes dhe vlerat e qytetërimit perëndimor, ka marrë admirimin  dhe mbështetjen e fuqishme nga SHBA , BE , NATO dhe shumë qeveri të tjera nëpër botë .Qeveria e Shqipërisë ka manifestuar me një seri aktesh mbështetjen e fuqishme ndaj kauzës së lirisë, sakrificave sublime dhe luftës mbrojtëse të popullit Ukrainas” i thotë mes të tjerash Prefekti Shehaj.

 Nënshkrimi i marrëveshjes

Në sallën kryesore të Godinës së Prefektit u zhvillua dhe ceremonia e nënshkrimit të marrëveshjes së bashkëpunimit. Stafi i administratës kishte organizuar gjithçka në perfeksion.Mbizotëronin ngjyrat kombëtare të dy shteteve. Gjatë ceremonisë merrnin pjesë Drejtoresha e Drejtorisë së Përgjithshme e Politikave për Çështjet Vendore dhe Prefekturat në Ministri të Brendshme Alma Bime, kryetarët e Bashkive të qarkut Fier, kryetarja e Këshillit të Qarkut,Konsulli i Nderit i Republikës së Shqipërisë në Ukrainë z. Omarov Shahin, Konsulli i Nderit i Ukrainës në Republikën e Shqipërisë Z. Bledi Barjaktari. Kjo është hera e parë që nënshkruhet një marrëveshje e tillë  në rang Prefekti. Në thelb të saj qëndron bashkëpunimi në fushën e  bujqësisë, ekonomisë, arsimit agroturizmit  etj.  

Prefekti Shehaj e cilësoi këtë ditë  pjesë të një ngjarjeje historike. “Ju gjetët kurajon dhe guxuat të shikoni përtej të sotmes së luftës, drejt Ukrainës së ardhme të paqes, të një vendi të rilindur nga hiri i gërmadhave.” thotë Prefekti Shehaj. Ndërsa nuk harron të falenderoj konsullin e nderit të Shqipërisë në Ukrainë, z.Shahin Omarov.

“Mirënjohje edhe për mikun e përbashkët të të dy palëve, atij që diti të zgjojë qasjen mes nesh, thelloj njohet tona dhe indentifikoj fushat me interes për bashkëpunim me përfitim reciprok”

Koha, në të cilën po nënshkruhet kjo marrëveshje, nuk është më e mira, madje për pesimistët është e pamundur, por pala mike dhe populli i Ukrainës, të bindur në drejtësinë e kauzës së lirisë dhe luftës së tyre mbrojtëse janë duke e parë vendin e tyre në të ardhmen, në paqe, të rindërtuar e shumë më të zhvilluar”  shton zoti Shehaj.

“Me këtë marrëveshje i hapet rrugë perspektivës së  mardhënieve mes rajonit Fier dhe Kharkov pas  përfundimit të luftës. Ne po clirojmë  territorin nga pushtuesit  rusë- pohon znj Lutsenko. “Ne e kemi të qartë përspektivën tonë europiane” plotëson.

 Ndërsa shton: “Është një dicka shumë  serioze, Nuk është thjeshtë midis shteteve por edhe mes qyteteve dhe qytetarëve rëndëisa e kësaj marrëveshjeje Sepse të gjithë e dijmë si struktura shtetërore se cfarë duan bizneset dhe se si do të veprojmë në vijim, detyra jonë është të bashkojmë gjithë energjitë dhe mundësitë që të gjithë ata persona që jetojnë në rajonet e tyre të kuptojnë se cfarë projektesh ekonomike turistike dhe thjeshte ekologjike që ta bëjmë të mundur bashkëpunimin  direkt mes tyre”.

 Vizita në një biznes

 Prej një jave në fabrikën e Vajit Fiol në Fier  nuk ka  më sasi vaji luledielli për përpunim. Gjithcka për shkak të luftës në Ukrainë. Pronari i saj Bajram Dine përpara nisjes së luftës ka bashkëpunuar me biznesin në rajonin e Khrakovit duke importuar sasi të mëdha vaji luledielli Dhe jo vetëm ai. Sipas tij sasia e vajit të lulediellit e importuar  shkon deri në 45 mijë ton në vit. Ndërsa tani  brenda fabrikës bëhët vetëm përpunimi i vajit të Ullirit dhe produkteve të tjera.

Ai e ngriti këtë shqetësim gjatë vizitës  në këtë fabrikë të Prefektit të Qarkut Fier  Lefter Shehaj dhe Kryetares së  Këshillit Rajonal të Kharkovit Ukrainë  znj. Tetiana Yehorova-Lutsenko.

 “Ne kemi një bregdet të paparë dhe vaji ynë i ullirit- thotë  biznesmeni ,-ka marrë cmime të para në Europë.Por shtoi ai “Ne kemi një problem të madh Duhet të marrim furnizim me vaj Luledielli me cmim të arsyeshëm, të mirë dhe të furnziojmë tregun, edhe të amballazhuar një kg apo 5 kg.

 Por cila është situata aktuale sipas biznesmenit?

“  Ne e marrim nga Bullgaria, ata e marrin nga Ukraina dhe ne e marrim dorë të dytë apo të tretë duke rritur koston dhe çmimet- sqaron ai. Ne mund të marrim vaj që andej dhe të eksportojmë vaj ulliri e prodhime të tjera në Ukrainë- sugjeron  biznesmeni,Bajrami.

 “Ne prandaj jemi këtu thotë zonja Tetiana Yehorova –Lutsenko, për të hequr këto vështirësi. Ndaj dhe kemi lidhur sot marrëveshjen e bashkëpunimit mes Khrakovit dhe Fierit”.

 Jashtë është mesditë. Dielli i Majit djeg. ”Është ndryshe këtu. Te ne luftohet. Ushtria jonë po mbrohet dhe çliron vendin. Dhe te ne pas lufte do të ketë shumë punë. Sepse jemi shkatërruar. Edhe zyra ime e shtëpia ime janë shkatërruar nga bombardimet. Edhe zyra konsullore shqiptare. Janë më shumë se 2 mijë pallate e shkolla e çerdhe të shkatërruara “tregon ajo, duke parë dikur në horizont, sikur të shihte atje perspektivën e Khrarkovit dhe Ukrainës, ndërtimet e reja të bekuara nga Zoti.

‘Shikojeni – shton,-“Unë sot jam përfaqsuese e këshillitarëve të mi. Kam marrë mbështetjen e tyre  Ja dhe  zberthimi  konkret i kësaj marrëveshjeje Ndodhemi në një nga bizneset këtu në qytetin Fier.Para luftës  Ai punonte me qytetin e Kharkovit, Kjo ishte për përpunimin e vajit duke patur parasysh që ne kemi luftë. Dërgesat  nuk vazhdojnë më dhe po shikojmë që prej një jave nuk ka prodhim dhe unë si detyrë si kryetare e qyteti të Kharkovit e kam si detyrë të rregulloj këto marrëdhënie midis dy qyteteve dhe qytetit të Fierit  dhe të garantoj   gjithësesi që më qytetin tonë Khrakov ne të bashkëpunojmë lehtësisht “

 “Kam shumë besim  se   ne kemi mjaft fusha ku mund të bashkëpunojmë ashtu si duhet  Shumë nga studentët shqiptarë kanë një ofertë shumë të mirë për të vazhduar studimet universitare në Kharkov, po kështu edhe produktet e ullirit, vaji i ullirit, i cili është i vlerësuar  për përdorimet familjare dher madje edhe në guzhinat prestigjioze. Duke qënë një vend me një natyrë ku ekzistojnë të katër stinët një vend që ofron turizëm gjithvjetor aq e vërtetë është kjo që ne jemi një ofertë e mirë turistike për qytetarët ukrainas, saqë  shumë qytetarë ukrainas i kanë blerë apartamentet e tyre në bregdet dhe janë bërë kështu qytetarë sezonalë në shqipëri” thotë Prefekti Shehaj.

 “Duam të falenderojmë qeverinë shqiptare për këtë. Duam të falenderojmë shqiptarët pasi jemi në dijeni  që gjatë kësaj kohe  ka shumë shtetas ukrainas  që jetojnë në shqipëri Për ne është e rëndësishme  që shqipëria  na ka dalë krahëhapur në këtë beteje të tmerrshme”.

 Mbrëmja është e bukur në Fierin e rilindur. Bar Pastiçeri Bleta, lokali në qëndër të qytetit, gumëzhin nga zërat e të rinjve. Tetiana dhe delegacioni që ajo drejton, nuk gjejnë fjalë të përshkruajnë pamjen “Bukur- pohojnë/ Këtu jeta vazhdon dhe kështu do të jetë edhe te ne. Dhe përpiqen të shijojnë kokteilet e përgatitura nga stafi i kësaj  shtëpie mikpritjeje nën  melodinë e muzikës, “Të ngremë një shëndet për shqipërinë dhe Ukrainën- thotë Prefekti Shehaj.

Rroftë Shqipëria dhe Ukraina”! uron Tetiana.  Tingulli i këmbanës së kishës, dhe zëri i dalë nga minareja e Xhamisë aty afër iu qetësojnë shpirtrat e njëkohësisht  zgjojnë kujtimet e paraluftës. Sepse  tani në Ukrainë luftohet  dhe në shpirtrat e tyre   vazhdojnë të  kumbojnë  dhimbjet, tmerret,zhurmat e luftës,sirenat e alarmit, dhe shpërthimet e raketave

 “

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/

Leave a Reply

Your email address will not be published. Required fields are marked *

Përgatitet amnistia fiskale, 10 për qind tatim për 2 milionë euro pasuri të padeklaruar

Përgatitet amnistia fiskale, 10 për qind tatim për 2 milionë euro pasuri të padeklaruar

Publikuar më 24.06.2022
Bëhet gati pr/ligji për aministinë fiskale për shtetasit shq...

Bëhet gati pr/ligji për aministinë fiskale për shtetasit shqiptarë që jetojnë brenda ose jashtë territorit, tatimpaguesit dhe personat fizikë. Pr/ligji pas konsultimeve të kalojë për votim në qeveri dhe në parlament. Pr/ligji parashikon se pas deklarimit vullnetar të të ardhurave do të jepet vërtetimi për amnistinë fiskale. Amnistia fiskale për individë, bizneset dhe personat fizik do të lejohet […]

Lexo më shumë

Abuzimet me regjistrat e grisur në Kadastër, ish-kryeregjistruesi: Deklarata e Artan Lames është e pabesueshme, show

Abuzimet me regjistrat e grisur në Kadastër, ish-kryeregjistruesi: Deklarata e Artan Lames është e pabesueshme, show

Publikuar më 24.06.2022
Ish zv-kryeregjistruesi i Kadastrës, Flamur Çollaku ka komen...

Ish zv-kryeregjistruesi i Kadastrës, Flamur Çollaku ka komentuar në Abc Live, deklaratën e kreut të Kadastrës Shqiptare, Artan Lame për regjistrat e grisur në Tiranë. Pas procesit të regjistrimit të AMTP-ve në Tiranë, Lame deklaroi se janë zbuluar abuzime të shumta që janë kryer ndër vite me regjistrat e pronave. Nga ana e tij Çollaku e cilësoi […]

Lexo më shumë

Vetura elektrike kineze bie nga kati i tretë, dy të vdekur

Vetura elektrike kineze bie nga kati i tretë, dy të vdekur

Publikuar më 24.06.2022
Prodhuesi kinez i veturave elektrike Nio ka thënë se dy pers...

Prodhuesi kinez i veturave elektrike Nio ka thënë se dy persona vdiqën kur një nga automjetet e saj ra nga kati i tretë i selisë së saj në Shangai, raportoi sot BBC. Një anëtar i stafit dhe një person nga një kompani partnere vdiqën në aksident. Personat që vdiqën ndodheshin brenda automjetit teksa ai ra […]

Lexo më shumë

Greqi, bie breshër në madhësinë e një topi tenisi (VIDEO)

Greqi, bie breshër në madhësinë e një topi tenisi (VIDEO)

Publikuar më 24.06.2022
Breshëri i fortë ka rënë të enjten në bashkinë e rajonale të...

Breshëri i fortë ka rënë të enjten në bashkinë e rajonale të Serre, në Greqi duke shkaktuar dëme në të mbjella dhe në banesa. Breshëri në madhësinë e një topi tenisi ra dje pasdite në Sfelinos dhe në zonat e komunave Nea Zichni dhe Amfipolis. Proti, Alistrati, Lefkothea dhe Stacioni Aggista janë disa nga fshatrat e […]

Lexo më shumë

Bordi ul 3 lekë çmimin e naftës, shtrenjton benzinën

Bordi ul 3 lekë çmimin e naftës, shtrenjton benzinën

Publikuar më 23.06.2022
Bordi i Transparencës ka vendosur çmimet e reja të tregtimit...

Bordi i Transparencës ka vendosur çmimet e reja të tregtimit të karburanteve në vend. Nga vendimi i fundit një litër naftë do të tregtohet më 258 lekë, nga 261 lekë që tregtohej më parë. Në ulje të lehtë është dhe çmimi gazit. Çmimi i shitjes me pakicë i nënproduktit gaz, do të ë jetë 83 lekë/litri, ose […]

Lexo më shumë

Xhaçka mbron resortin e bashkëshortit në Dhërmi: E ka nisur biznesin si emigrant në Itali, hoteli me 5 yje është investim privat

Xhaçka mbron resortin e bashkëshortit në Dhërmi: E ka nisur biznesin si emigrant në Itali, hoteli me 5 yje është investim privat

Publikuar më 23.06.2022
Ministrja për Punët e Jashtme dhe Evropën, Olta Xhaçka i ësh...

Ministrja për Punët e Jashtme dhe Evropën, Olta Xhaçka i është përgjigjur deputetit Agron Shehaj për akuzën se bashkëshorti ka përfituar nga investimet strategjike në jug. Xhaçka tha në parlament se nuk ka shkelur asnjë ligj dhe se investimi i bashkëshortit të saj në hotelin me pesë yje në jug është tërësisht privat, duke theksuar se […]

Lexo më shumë

Deputeti i PD akuzon Ramën se i dha statusin e investitorit strategjik burrit të ministres Xhaçka, Spiropali: Nuk është në konflikt interesi

Deputeti i PD akuzon Ramën se i dha statusin e investitorit strategjik burrit të ministres Xhaçka, Spiropali: Nuk është në konflikt interesi

Publikuar më 23.06.2022
Deputeti i Partisë Demokratike Agron Shehaj ka akuzuar kryem...

Deputeti i Partisë Demokratike Agron Shehaj ka akuzuar kryeministrin Edi Rama se ka favorizuar bashkëshortin e ministres Olta Xhaçka për të marrë statusin e investitorit strategjik. Në një interpelancë në Kuvend me Ministren e Shtetit për Marrëdhëniet me Parlamentin, Shehaj tha se Xhaçka e dinte që ishte në shkelje të Kushtetutës, por tani duhej gjetur një […]

Lexo më shumë

Analiza e REL/ A bie ndesh Ballkani i Hapur me Procesin e Berlinit?

Analiza e REL/ A bie ndesh Ballkani i Hapur me Procesin e Berlinit?

Publikuar më 23.06.2022
Bashkëpunimi ekonomik dhe liria e lëvizjes duket se janë kry...

Bashkëpunimi ekonomik dhe liria e lëvizjes duket se janë kryefjalë e objektivave të dy nismave që përfshijnë shtetet e Ballkanit Perëndimor: Procesi i Berlinit dhe Ballkani i Hapur. Ekspertë të politikave të Bashkimit Evropian dhe të Ballkanit Perëndimor thonë se këto dy nisma – ndonëse mbulojnë çështje të ngjashme – dallojnë në strukturë dhe mund të […]

Lexo më shumë