Një pjesë teatrale nga politika shqiptare

Jurgen Vladi

Ja një ngjarje e vogël nga dje. Kërkojmë që demokracia shqiptare të na kthehet. Kërkojmë që të na e sjellë Greqia. Por këtë radhë demokracia do të na vijë me një fjalë tjetër, “nea” (e re). Pra do të kemi një Demokraci të Re, që do na e sjellë pikërisht partia në pushtet e kryeministrit Micotaqis.

Jo e plakut Miciotaqis se ka ndërruar jetë dhe Berisha e qau me lot në publik. Për të ‘mirat’ që i bëri popullit Shqiptar, ju kujtohet 1994 me masakrën e Peshkëpisë. Është kjo parti e njëjta dhe i Riu Micotaqis me partinë ‘Demokracia e Re’ do të na sjellë një Republikë të Re.

Gëzohuni shqiptarë se kemi ku të marrim shembull, te fqinji ynë. Mjafton të ngrejmë kokën sipër gardhit. Jo more, jo, se kokën ta ngremë ne ta harrojmë se do na lërë dikush dhe kjo as nuk e presim… Ja do të na hapet edhe rruga për në Europë jo direkt pasi ju e dini se është larg, por me një ndalesë të vogël në Athinë. Do të na vijë keq për fqinjtë tanë në Veri se do të na mbarojë dashuria, sidomos për Vuçiçin.

Po kështu e ka jeta apo demokracia “alla shqiptarçe”. Kur vjen e “majta shqiptare” në pushtet që zakonisht udhëhiqet nga jugorët lidh pushtetin me fqinjtë tanë veriorë. Ndërsa kur vjen e “djathta shqiptare” që udhëhiqet nga konservatorët veriorë e lidh pushtetin me fqinjtë tanë të Jugut. – A e dinë këtë fenomen “analistët’ shqiptarë? Nuk dua t’i mërzis më pasi janë me dhimbjen e humbjes së “Teatrit”, ndaj mendova të sjell një pjesë teatrale nga politika shqiptare.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet