Një pesëvjeçar shpëton babain e tij nga koma

Një fëmijë, vetëm pesë vjeç, arriti të thëriste ambulancën e emergjencës dhe ta udhëzonte atë drejt shtëpisë duke shpëtuar kështu babain e tij, i cili kishte rënë koma diabetike.

Ngjarja ndodhi në Glos-La-Ferriere, në Normandi, Francë. Sipas shtypit francez, fëmija ishte në shtëpi me babain e tij, 44 vjeç, i divorcuar, dhe arriti të telefononte urgjencën.

Operatorët e mbajtën në linjë për 40 minuta për të lokalizuar vendndodhjen e tij dhe dërguar urgjencën. ‘’Alo, më duket se babai im ka vdekur. Jam tek shtëpia e tretë’’, mësohet të ketë thënë fëmija. Policia, së bashku me emergjencat, kanë këshilluar fëmijën që të dalë te dera dhe të bëjë shenjë kur të shohë sirenat e tyre.  Vendndodhja u arrit të gjendej dhe babai i fëmijës u shoqërua për në spital, ndërsa fëmija iu besua nënës së tij.

Leave a Reply

Your email address will not be published. Required fields are marked *

Të tjera

Abissnet