Ngjarja tragjike në spitalin e Fierit, arrestohen 5 persona

Një ngjarje tragjike ka ndodhur mbrëmjen e djeshme në Levan të Fierit. Një konflikt i nisur mes dy familjeve, është përshkallëzuar më pas në ambientet e Spitalit Rajonal të Fierit deri në përdorimin e armëve të zjarrit.

Fillimisht, katër persona janë plagosur si pasojë e konfliktit të ndodhur mes familjeve ku dy prej të cilëve Gentian Zhapa dhe D.Zh janë qëlluar me mjete të forta ndërsa K.L dhe E.M., kanë mbetur të plagosur pasi janë qëlluar me thikë.

“Të plagosurit janë transportuar për në Spital, për ndihmë mjekësore. Në Urgjencën e spitalit një prej shoqërueseve të të dëmtuarve i ka marrë armën e zjarrit nga brezi punonjësit të policisë, i cili po ndihmonte për të futur të plagosurit në Urgjencë dhe ka plagosur me armë zjarri një prej familjarëve të palës tjetër, shtetasin A.ZH”, sqaron policia.

Bëhet fjalë për shtetasin me iniciale D.B., 21 vjeç i cili ka marrë armën e zjarrit nga brezi efektivit të policisë në ambientet e spitalit dhe ka plagosur shtetasin me iniciale A.Zh.

Njoftimi i policisë:

Policia e Fierit vë në pranga 5 persona në lidhje me konfliktin në Levan të Fierit. Arrestohet personi që plagosi me armën e punonjësit të Policisë një shtetas në urgjencën e Spitalit Fier.

Në vijim të veprimeve të kryera nga grupi i posaçëm hetimor për sqarimin e rrethanave të ngjarjes, dokumentimin dhe vënien para përgjegjësisë ligjore të personave përgjegjës për ngjarjen e ndodhur mbrëmjen e djeshme  në Levan dhe më pas në urgjencën e Spitalit Fier, u bë arrestimi në flagrancë i shtetasve:

– D.B, 21 vjeç;

– G.B., 22 vjeç, të dy banues ne Levan, Fier, për veprat penale “Vrasje me dashje mbetur në tentativë”, “Goditje për shkak detyrës të punonjësit të rendit publik”.

Nga veprimet e para hetimore rezultoi se shtetasi D.B, dyshohet se është autori i plagosjes me armë zjarri, i cili është kapur dhe arrestuar në orët e para të mëngjesit të sotëm. Gjithashtu u bë arrestimi për veprat penale “Vrasje me dashje mbetur në tentativë” , “Mbajtje pa leje e armëve të ftoha” i shtetasve:

– A.Zh., 51 vjeç, banues në Ferras;

– E.K., 32 vjeç, banues në Vlorë;

– A.Zh., 22 vjeç, banues në Ferras, Fier.

Nga veprimet e para hetimore rezulton se konflikti ka nisur për motive banale në një lokal. Në cilësinë e provës materiale u bë sekuestrimi i një arme gjahu, dy mjeteve prerës dhe tre automjeteve. Nën drejtimin e Prokurorisë vijon puna për dokumentimin e plotë të kësaj ngjarje.

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/



Leave a Reply

Your email address will not be published. Required fields are marked *

Të tjera

Abissnet