"Bild" akuzon Bolt: I dopuar!

"Usain Bolt përdor substanca të ndaluara dhe fitoret e tij janë vetëm një mashtrim." Kjo akuzë e rëndë ndaj kampionit olimpik të 100 dhe 200 metrave Usain Bolt, vjen nga atleti gjerman Tobias Unger, sprinteri 27-vjeçar, i cili e ka thënë këtë në një intervistë për revistën "Bild". Gjermani hedh dyshime rreth faktit se si ka mundësi që Bolt nuk ndjen lodhje pas një rruge të gjatë dhe pas stërvitjes.

Sipas Unger, në Xhamajkë funksionon një sistem antidopingu i dyshimtë. "Në atë ishull sportistët veprojnë sipas qejfit, - thotë Unger, që shprehet se janë të pakta vendet që kanë agjensi kombëtare antidopingu. - Unë, në Pekin jam i detyruar të themse hyj dhe dal nga fshati olimpik, në rast se do të testohem në një kontroll antidoping, ndërsa Bolt ndoshta nuk di as të plotësojë një formular hyrje-dalje", - u shpreh atleti gjerman.