Pack, kundër Berishës për Centralin Bërthamor

Eurodeputetët i kanë vlerësuar si të nxituara deklaratat e qeverisë për ngritjen e një centrali bërthamor

Deputetët e Komisionit Europian i kanë kërkuar qeverisë shqiptare që të zgjidhë krizën e energjisë, pasi ajo mund të përsëritet sërish në këtë dimër. “Ju keni qenë me fat këtë dimër që kaloi pasi keni patur reshje të bollshme, por një dimër i thatë mund ta çojë vendin sërish drejt krizës, që do të sjellë destabilitet politik dhe ekonomik”, - kanë bërë të ditur eurodeputetët. Ndërsa eurodeputetja Doris Pack është treguar skeptike me projektin e qeverisë për ndërtimin e një Centrali Bërthamor. “Ju duhet që të shikoni mundësitë për ndërtimin e veprave të tjera energjetike, që kërkojnë më pak fonde dhe më pak kohë. Centrali Bërthamor është një investim që kërkon shumë fonde dhe mbetet ende një mundësi e vogël që ai të realizohet në Shqipëri”, - tha Pack. Por i menjëhershëm pas deklaratave të eurodeputetëve ka qenë edhe reagimi i ministrit Ruli. “Kriza energjitike është evituar këtë vit, ne kemi rezerva të mjaftueshme ujore për ta shmangur një situatë të tillë”,- tha Ruli.

Situata energjitike

Gjatë ditëve të fundit, në të gjithë vendin ka patur kufizime të energjisë elektrike, që nga ana e Operatorit të Shpërndarjes janë justifikuar me riparimet që po bëhen në disa nënstacione. Por në një reagim që ka patur deputeti i LSI, Dritan Prifti, ndërprerjet e energjisë janë të lidhura me privatizimin e Sistemit të Shpërndarjes. “Ndërprerjet e energjisë po bëhen vetëm që të ulet vlera e KESH”,- tha Prifti.