“Koha është e maskarenjve, por Shqipëria do të mbetet e shqiptarëve”

Më vjen një batutë e bukur, por për ne shqiptarët është edhe e dhimbshme. Gjithsesi, e meritojmë dhe është aktuale: “KOHA është E MASKARENJVE”. Megjithatë “SHQIPËRIA është E SHQIPTARËVE”. Ne na ndjekin ngjarjet e rënda njëra pas tjetrës dhe shitja e interesave vazhdon sepse ne jemi të paaftë të mësojmë nga pësimet dhe ende nuk kemi ngulur në tru, që mënyra më e mirë për të mos lejuar një katastrofe që të ndodhë, është ta parandalosh atë. Për fat të keq, jemi thuajse gjithmonë me vonesë.

Për mua duhej të ekzistonin ligje për qeveritë dhe ligji të thoshte: “Nëse borxhet që merr gjatë mandatit të saj, një qeveri, nuk i shlyen gjatë po atij mandati, të jepen dënime”.

Këtë askush nuk do ta beje, sepse ai që ka dëshirë ta bëjë, nuk ka pushtet dhe ai që ka pushtet, nuk ka dëshirë ta bëjë. Shqipëria është e vështirë dhe plot probleme. Jo se është vend më i mirë apo më i keq se të tjerët. Por sepse banorët e saj nuk janë në rregull. Diçka dua të shtoj: Unë gjithmonë do ta dua atë me gjithë problemet që ka.

Dhe, miqtë e mi, mos harroni: “KOHA është E MASKARENJVE por SHQIPËRIA është E SHQIPTARËVE...”.