Shitet për 346 mijë euro kitara e djegur e Hendrix

Londër- Plot 346 mijë euro pagoi një koleksionist amerikan për të pasur në dorë kitarën ''Fender Statocaster'' të cilës i vuri flakën Jimi Hendrix.

Ai që fitoi të drejtën për të pasur të vetën reliken në Londër, në anakandin e zhvilluar me këtë rast, quhet Daniel Boucher, 51-vjeç dhe banor në Masaçuset.

Gjatë të njëjtën natë, kohë në të cilën u zhvillua ankandi, një tjetër i apasionuar pas muzikës, humbi një shumë prej 297 mijë euro euro për kontratën e parë të nënshkruar mes Beatles dhe menaxherit, Brian Epstein, e cilësuar si kontrata më e rëndësishme e historisë së muzikës, meqë i shërbeu Epstin për të nisur karrierën e kuartetit të Liverpulit.

Hendrix i vuri flakën kitarës së prodhuar në vitin 1965, pas një koncerti në Astoria të Londrës, në mars të vitit 1967. Punonjësit e skenës u përpoqën të shuanin zjarrin, ndërsa Jimi u mjekua për plagët që mori. Në këtë konfuzion, zëdhënësi i tij, Tony Garland mori kitarën dhe e ruajti për vite me radhë në garazhin e prindërve të tij në Hove në Britaninë e Madhe. Vetëm një vit më parë, ajo u gjet nga nipi i tij Garland, i cili vendosi të shiste. (ANSA)