Topi vërejtje drejtësisë: Nuk bashkëpunoni me njëri-tjetrin

Tiranë-Presidenti i Republikës, Bamir Topi ka mbledhur sot Këshillin e Lartë të Drejtësisë si dhe gjyqtarë të Gjykatës së Lartë. Në këtë takim për herë të parë Presidenti ka nënvizuar se institucionet e drejtësisë nuk bashkëpunojnë me njëri-tjetrin.

“Drejtësia nuk duhet të jetë segment i fragmentarizuar, ju duhet të bashkëpunoni, sepse është Kushtetuta ajo që i ndan pushtetet”, është shprehur Topi.

Në fjalët e tij para juristëve, ai është shprehur se 3/5 e vendimeve të Gjykatës së Lartë nuk janë ekzekurtuar dhe këtu përgjegjësia është e gjithë institucioneve si gjykatë, prokurori, etj.

Topi mblodhi KLD dhe Gjykatën e Lartë për të diskutuar mbi Progres-Raportin e BE për vendin tonë, ku drejtësia ishte e shigjetuar nga ndërkombëtarët që e hartuar raportin.

“Reforma në drejtësi nuk duhet bërë nga interesa të çastit, reforma duhet të jetë integrale”, ka deklaruar Presidenti Topi.

“Deri tani kemi struktura të veçanta me korniza të mbyllura. Gjykata e Larte duhet të heqë dorë nga autosugjescioni dhe të inciojë debate të hapura për drejtësinë, jo debate të mbyllura”, ka shtuar ai

Por kryefjala e Presindetit ka qenë kordinimi i punëve mes institucioneve të drejtësisë në vend. “Duhet të vendosni ura bashkëpunimi dhe të punoni për një strategji afatgjatë për reformën në drejtësi”, u tha Topi krerëve të drejtësisë.  

Drejtësia jo segment që fundkiosn në ajër vendimet e paezektu për gjejgjësi e gjykatës prokuroisë, etj.