Aeroporti i Kukësit, ende asnjë fluturim

Ka kaluar me shume se tre vjet kur u pre shiriti i përfundimit të punimeve në aeroportin e Kukësit, duke e bërë të gatshëm për funksionim, por ende asnjë mjet nuk është ulur aty.

Gjithçka duket e zbehtë ndërsa informacionet  janë tejet të rezervuara për ecurinë e punimeve në projektet dytësore. Të cilësuara si punime të përfunduara tashmë po punohet për vendosjen e radarëve dhe disa prej pajisjeve sinjalizuese në afërsi të kullës së komandave.
 
Punonjës të aeroportit thonë se është një investim prej rreth 4.5 milion eurosh që do të mundësojë pajisjen logjistike dhe paketën e komandimit te Aeroportit. Si dhe më parë, në këtë aeroport, ky investim do të kryhet nga qeveria e Emirateve te Bashkuara Arabe.

Ndërkohë, par pak ditësh, një avion testues ka kryer provat për vlerësimin e standardeve të aeroportit dhe sipas stafit gjithçka ka kaluar shumë mirë. Aeroporti i Kukësit është një dhuratë e Qeverise së Emirateve te Bashkuara Arabe.

Punimet për ndërtimin nisën në mars te vitit 2003 dhe përfunduan ne vjeshte te vitit 2005. Sipërfaqja totale e tij llogaritet ne 81 hektarë ndërsa projekti ka kushtuar 14 milion dollarë.

Pista e aeroportit te Kukësit ka përmasat e aeroporteve ndërkombëtare te klasifikuara ne grupin C, ndërsa është nder me te mëdhenjtë ne Ballkan. Pista është e gjate 2200 metër dhe gjerësi 60 m. Deri më tani, ky aeroport nuk mund të presë fluturime ndërkombëtare, pasi qeveria Nano ia ka dhënë të drejtën e vetme aeroportit Ndërkombëtar Nënë Tereza.