×

Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”

Në vend të një urimi për mësuesit, prindërit dhe nxënësit

Namir Lapardhaja

Shkolla vijon të jetë një ndër mjetet edukuese themelore të individit, pavarësisht jo i vetmi. Familja, shoqëria, konteksti social dhe kulturor ku brumoset fëmija, janë po aq të rëndësishëm, edhe pse ndonjëherë këto luajnë rol parësor në formësimin e personalitetit të fëmijës. Rrugëtimi i çdo viti të ri shkollor nis me një marrëdhënie tripalëshe midis mësuesit, nxënësit dhe prindërit, të cilët janë të pandarshëm përgjatë periudhës së shkollës.

MËSUESI duhet ta shohë fillimin e vitit të ri shkollor si një mundësi të artë për të shprehur talentin dhe pasionin e tij në edukim dhe mësimdhënie. Nëse profesioni nuk do të shihet si mision, por si një punë e rëndomtë, për të marrë rrogën dhe për të mbajtur frymën gjallë, viti shkollor do të duket shumë i gjatë, puna shumë e lodhshme dhe nuk do të marrë si shpërblim kurrfarë kënaqësie. Mësuesia është shndërruar në një profesion të lodhshëm për shkak të burokracive dhe vështirësive që dalin gjatë rrugës dhe që në shumicën e rasteve nuk kanë lidhje me edukimin dhe mësimdhënien, mirëpo mësuesi i mirë është githmonë i aftë të bëjë dallimin mes kotësisë dhe të vlefshmes. Ashtu siç i kërkonte A. Lincolni mësuesit të fëmijës së tij, çelësi i sekretit të çdo edukuesi të mirë është stimulimi i talentit që gjendet brenda çdo fëmije dhe, mbi të gjitha, “të gjeturit të forcës për të mos ndjekur turmën edhe kur të gjithë vrapojnë pas fitimtarit”. Por që të arrish të përçosh këtë filozofi tek fëmija, së pari, duhet ta besosh dhe realizosh vet më parë një gjë të tillë. Përndryshe, do jesh një rrogëtar i rëndomtë, shpeshherë nën nivelin e nxënësve të tu, të cilët, pavarësisht se do të respektojnë gjatë periudhës së shkollës, kur të rriten dhe të ndërgjegjësohen edhe më tepër, do të arrijnë ta bëjnë dallimin dhe vlerësimin real.

PRINDËRIT shpeshherë “shpëtojnë” duke i çuar fëmijët në shkollë dhe duke “i plasur” atje. Se çfarë bëhet më tej, as që duan ta dinë. Shpeshherë kur bëhen problem, të kërkojnë edhe llogari, sikur nuk janë ata që jetojnë nën të njëjtën çati me fëmijën e tyre. Sigurisht, ka edhe përjashtime. Ka prindër të mrekullueshëm, të cilët orë e çast “të bezdisin” me interesimin e tyre. Këta janë prindërit shembullor. Në të gjitha rastet, prindërit e nxënësve shumë të mirë, të cilët edhe pa interesimin e tyre janë model. Prindi në raport me mësuesit është përpara një paradoksi: nga një anë ai e kupton se diçka me fëmijën e tij nuk shkon, nga ana tjetër ai është i predispozuar të besojë fëmijën dhe të kërkojë më shumë se ç’duhet dhe më tepër se sa i takon. Në të gjitha rastet, fëmijët janë mishërimi më i gjallë i prindërve të tyre. Sigurisht ka edhe përjashtime nga rregulli.

NXËNËSIT në ditët e sotme, në shumicën e rasteve, e shohin mësuesin si kundërshtar. Ka humbur ai respekt i dikurshëm për figurën e nderuar të mësuesit. Sigurisht në këtë marrëdhënie problemi nuk është vetëm i tyre, ngase edukimi është një raport dinamik i vazhdueshëm dhe i përhershëm. Ka nxënës model dhe me synime të qarta, ashtu siç ka nxënës hileqar, dembelë dhe që kërkojnë më shumë seç japin. Shpeshherë këta të fundit “i prishin” edhe prindërit e tyre, të cilët e “ndihmojnë” fëmijën në krijimin e një figure të urrejtur për mësuesin në sytë e tyre.

Të japësh receta në këtë marrëdhënie tripalëshe nuk është aspak e lehtë, mirëpo çdo fillim i ri është një motiv dhe arsye më tepër drejt përmirësimit dhe drejt realizimit të qëllimeve.

Ndaj urimi im për kolegët është të jenë vetvetja, të mos lejojnë t’i shkelin dinjitetin e tyre dhe të jenë kurajoz dhe të qëndrueshëm në ato që japin dhe kërkojnë. Fëmijët t’i shohin me përgjegjësi dhe t’i trajtojnë ashtu siç do të deshën që të tjerët të trajtonin fëmijën e tyre. As më shumë, as më pak.

Për prindërit e fëmijëve urimin im është që të jenë të interesuar për fëmijët e tyre përgjatë gjithë vitit shkollor, ta ndjekin ecurin e tyre në vazhdimësi dhe të kërkojnë aq sa meritojnë, sepse çdo kërkesë më tepër mund të jetë diçka e thjesht për ta, mirëpo mund të shndërrohet në padrejtësi për fëmijët e tjerë.

Për nxënësit urimi im është të punojnë shumë, fort dhe në mënyrë sistematike. Të kenë respekt për shokun dhe, mbi të gjitha, për mësuesin. Mësuesit nuk janë aty për të qenë kundër, por për të ndihmuar. Ndaj shihini mësuesit si partnerë për të bashkëpunuar, në punë të mira dhe të dobishme.

*Autori është mësues

 

Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.

KOMUNITETI SHEKULLI ONLINE: https://www.facebook.com/groups/1381242728701899/

Leave a Reply

Your email address will not be published. Required fields are marked *

Fenomeni i shëmtuar “Frrok Çupi”

Fenomeni i shëmtuar “Frrok Çupi”

Publikuar më 03.12.2020
Nga: Egers Bardhi Më kujtohet shumë mirë se si njëri pre...

Nga: Egers Bardhi Më kujtohet shumë mirë se si njëri prej pedagogëve më këshilloi që të shmangia televizionin e mbi të gjitha emisionet politike si një burim informacioni për aktualitetin, duke i cilësuar ato si ndotje akustike, kakofoni, çorba partiake, promovim antivlerash e deformim i shtyllës kurrizore të diskursit politik. Fatëkeqsisht, si shumë herë të […]

Lexo më shumë

Veton Surroi: Lajthitja e Këshillit Bashkiak të Kukësit, Gjici me deficit të thelluar intelektual!

Veton Surroi: Lajthitja e Këshillit Bashkiak të Kukësit, Gjici me deficit të thelluar intelektual!

Publikuar më 02.12.2020
Veton Surroi Me hapa të vendosur përpara drejt të së kaluarë...

Veton Surroi Me hapa të vendosur përpara drejt të së kaluarës Faulkneri, Kukësi dhe lajthitjet e së ardhmes 1. “E kaluara kurrë nuk është e vdekur. Madje, as që është e kaluar”. Mund të ndodhë që ndonjë lexues të më qortojë për përdorimin e sërishëm të këtij citati të William Faulknerit, por nëse kjo ndodh […]

Lexo më shumë

E ka një ‘’bela’’ historia, të mëson shumë

E ka një ‘’bela’’ historia, të mëson shumë

Publikuar më 02.12.2020
Pirro Naçi Grekët dhe shqiptarët besojnë se dy popujt  janë ...

Pirro Naçi Grekët dhe shqiptarët besojnë se dy popujt  janë historikisht armiq?! Ky opinion në një masë të gjerë njerëzish është pasaktësi ose injorim i historisë. Janë  opinione dhe pasaktësi ndoshta të  qëllimshme, ndoshta  edhe nga mungesa e njohjes së historisë. Ka një arsye të ‘’mirë’’ që njerëzit nuk merren me historinë: -Të mëson shumë-thotë […]

Lexo më shumë

S’ka Dibër të Madhe dhe të Vogël, por ka vetëm një Dibër!

S’ka Dibër të Madhe dhe të Vogël, por ka vetëm një Dibër!

Publikuar më 26.11.2020
Alban Daci Për herë të parë përmendet në hartën e Ptolemeut ...

Alban Daci Për herë të parë përmendet në hartën e Ptolemeut (shek.II e.r.) me emrin Deburus. Më 1502, njihet si qendër e rëndësishme qytetare. Në vitet 30-40 të shek XIX, Dibra me afro 8 400 banorë dhe 250 dyqane, ishte një nga qendrat më të rëndësishme ekonomike të tregut të brendshëm shqiptar. Në kohën e […]

Lexo më shumë

Sa shumë i kam dhënë këtij vendi, e kurrë, kurrë s’më ka dhënë asgjë

Sa shumë i kam dhënë këtij vendi, e kurrë, kurrë s’më ka dhënë asgjë

Publikuar më 23.11.2020
Haris Vongli Si e dalë shëndoshë e mirë nga Covid-19, ku...

Haris Vongli Si e dalë shëndoshë e mirë nga Covid-19, ku veç besimit tek fryma e shenjtë dhe miqtë e të afërmit, të fushës së mjeksisë a jo, besim të madh gjeta edhe tek vetja e shërbimi që i bëra instiktivisht vetes, si edhe duke lexuar shumë, me shpresë plot e sakrifica të panumërta, po […]

Lexo më shumë

Histeri publike kundër Bashës!

Histeri publike kundër Bashës!

Publikuar më 21.11.2020
Alban Daci Njerëz, nuk e kuptoni që po jetojmë në një diktat...

Alban Daci Njerëz, nuk e kuptoni që po jetojmë në një diktaturë moderne dhe kjo ka emrin “Rilindje”. Reagimi thuajse publik i të gjithëve: institucioneve, mediave, pushtetit dhe një grupi qytetarësh kundër deklaratës së Bashës për numrin e viktimave, dëshmon qartë polarizimin maksimal të shoqërisë dhe kontrollin e saj nga pushteti në shërbim të pushtetit. […]

Lexo më shumë

Ekrem Spahiu: Pse u krijua Legaliteti, 77 vite më parë?!

Ekrem Spahiu: Pse u krijua Legaliteti, 77 vite më parë?!

Publikuar më 20.11.2020
Nga pikëpamja historike, Partia “Lëvizja e Legalitetit” e ka...

Nga pikëpamja historike, Partia “Lëvizja e Legalitetit” e ka zanafillën që nga “Triumfi i Legalitetit”, më 24 dhjetor 1924, kur u rikthye legjimiteti i zgjedhjeve të dhjetorit 1923 të fituara nga Ahmet Zogu. Në kontekstin e Luftës së II Botërore, zogistët, përveçse kanë kontribuar drejtpërdrejt në luftë, janë përpjekur me të gjitha mënyrat për bashkimin […]

Lexo më shumë

Kur avokatja e Bashës mbron krimin e Ramës te Teatri Kombëtar

Kur avokatja e Bashës mbron krimin e Ramës te Teatri Kombëtar

Publikuar më 19.11.2020
Arben Rrozhani Në 32 faqet e raportit të Avokatit të Populli...

Arben Rrozhani Në 32 faqet e raportit të Avokatit të Popullit për shembjen banditeske të kompleksit të Teatrit Kombëtar, natën e 17 majit, dhe dhunën ndaj civilëve që pasoi aktin barbar, nuk gjen të përmendur në asnjë radhë fjalët “qeveri’, “bashki”, “Rama”, ‘Veliaj”, ndërsa fjala “terror” është fshehur, e përmendur vetëm një herë, në mes […]

Lexo më shumë