Në shtëpinë e kuksianëve të burgosur, PD: Rama izolon të drejtët dhe pi gjakun e shqiptarëve (VIDEO)

Deputeti i Partisë Demokratike të Shqipërisë Ervin Salianji ka vizituar familjet e dy prej kuksianëve të protestës të cilët janë duke u mbajtur akoma në burg e ata janë shtetasit Vasil Laçi e Isuf Gashi. Babai i Isuf Gashit ka thënë se e viziton djalin në burg në Tiranë dhe se atje merr edhe një borxh prej 100 mijë lekësh, për shkak se familja e tij ndodhet në vështirësi ekonomike. Salianji tha se Rama me koncesionarët vendosin taksa të shumta mbi Rrugën e Kombit, kurse qytetarët vuajnë pasojat e tmerrshme përditë e më shumë.

Njoftimi i PD:

Sekretari i aksionit politik Ervin Salianji vizitoi familjet e dy prej kuksianëve të protestës të cilët mbahen padrejtësisht në burg, Vasil Laçi dhe Isuf Gashi.

Situata e tyre është shumë e vështirë dhe burgosja ka shtuar më shumë varfërinë dhe borxhet në familjet e tyre në Kukës.

Babai i Isuf Gashit tregon se për çdo vizitë në Tiranë tek djali në burg merr 100 mijë lekë borxh.

Familja e Vasil Laçit ka dy fëmijë. Askush nuk është në pune dhe ata jetojnë me ndihma nga të afërmit në një shtepi që ka vetëm 4 muret.

Salianji tha se “Në burg sot për shkak se shkel ligjin duhet të jetë Edi Rama dhe ata që bëjnë miliona euro në kurriz te me te varfërve te vendit. Ne jemi këtu për t’ju thënë që jo vetëm nuk do t’ju harrojmë dhe do të japim ndihmë deri në fund, sepse janë heronj për Shqipërinë dhe kanë vendosur një gur të rëndësishëm me atë akt që kanë bërë. Ai tregoi se zotër janë shqiptarët, qytetarët dhe, pavarësisht se janë të varfër e nuk kanë mundësi për jetesën, prapë reagojnë dhe tregojnë se ky vend për zot ka shqiptarët. Nuk është pronar as Edi Rama, as këta të konçesionarit”

/D.Xh/

Salianji on Vidnews.

Leave a Reply

Your email address will not be published. Required fields are marked *

Të tjera

Abissnet