Ndryshon emri i Aeroportit të Shkupit

Publikuar më 06. 02. 2018 nga Dionis Xhafa

Premtimi i Zoran Zaev dhënë kryeministrit grek Aleksis Tsipras për ndryshimin e emrit të autostradës dhe të aeroportit të vendit, janë bërë realitet. Qeveria ka marrë vendimin që aeroporti “Leka i Madh” të emërohet “Aeroporti Ndërkombëtar i Shkupit”, ndërsa autostrada në Korridorin dhjetë do të quhet autostrada “Miqësia”. Kryeministri Zaev është shprehur me vendim të qeverisë aeroporti “ Aleksandri i Madh” është emëruar në “Aeroporti Ndërkombëtar i Shkupit”. Për kreun e qeverisë së Shkupit, janë duke u bërë rregullimet dhe se do të ketë hapa pozitivë në raport me Greqinë, që të mund të ketë edhe raporte miqësore dhe të mira. Kohët e fundit ndërmjet shtetit grek dhe atij maqedonas kanë nisur negociatat për emrin “Maqedoni”. Në lidhje me këtë ka pasur përplasje diplomatike dhe protesta të fuqishme të mbajtura kryesisht në Athinë.