Ndërron jetë në moshën 77-vjeçare ish-lojtari i Tiranës

Është ndarë dje nga jetë në moshën 77-vjeçare Perikli Dhala, ish-futbollist dhe ish-kryetar i PD-së në Njësinë Nr. 8.

Ish-drejtori i stadiumit “Qemal Stafa” vuante nga një sëmundje e rëndë, e cila e ka mposhtur.

Miku i tij, Ervis Xhako, ka njoftuar ndarjen e Dhales nga jeta përmes një postimi të bërë në llogarinë e tij në “Facebook”.

Ndërkohë, kreu i Partisë Demokratike ka shprehur ngushëllimet përmes një statusi në “Facebook”.

Statusi i Bashës

Dje u nda nga jeta Perikli Dhales, futbollisti virtuoz dhe një nga legjendat e bardhebluve të Tironës, bashkëshorti i Donikës, të dy kundërshtarë të paepur të diktaturës mizore, pjesëmarrës në demonstratën e heshtur të Janarit 1990 pas të cilës u burgosën dhe u keqtrajtuan nga Sigurimi por nga ku dolën edhe më stoikë, sfidantë e të pathyeshëm, duke i dhënë kurajo të gjithë banorëve antikomunistë të Lagjes 3 (tani minibashkia 8), të cilët një vit më vonë lanë jashtë Kuvendit të parë pluralist drejtuesin e fundit komunist të vendit.

Pero dhe Donika lindën dhe rritën në këtë lagje në zemër të Tiranës djemtë e tyre, Frenklin dhe Hertin, të cilët bashkë me dhimbjen për humbjen e papritur të babait duhet të ndihen krenarë me çfarë ai përfaqëson jo vetëm për ne banorët e vjetër të lagjes, por për mbarë Tiranën dhe vendin.

Në këto momente të vështira ne jemi të gjithë pranë Donikës, Frenklit dhe Hertit, duke u përkulur me respekt dhe nderim para bashkqytetarit tonë, krenarisë së futbollit bardheblu, kryetarit për vite të degës së PD për lagjen tonë, luftëtarit të pamposhtur gjatë gjithë jetës së tij, që sot ju dorëzua vetëm Zotit. U prehtë në paqen e Tij!

Leave a Reply

Your email address will not be published. Required fields are marked *

Të tjera

Abissnet